ފިކުރެއްގެ ދިރުން ވާނީ ޤާސިމްގެ ހާލަކަށް ކަމަށާއި ކިންގް މޭކާ އަކަށް ނޫން ކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ ޝަރީފް) ވިދާޅުވެއްޖެއެވެ.
ޝަރީފް މިހެން ވިދާޅުވެފައިވަނީ ފިކުރެއްގެ ދިރުމަކީ މިފަހަރުގެ ކިންގމޭކަރ ކަމަށް ވިދާޅުވެ އެމްޑީޕީގެ ޕާލަމެންޓްރީ ގުރޫޕުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ އިއްޔެ (އިންތި) ކުރެއްވި ޓްވީޓްއަށް ރައްދު ދެއްވަމުންނެވެ.
އެގޮތުން ޖުމްހޫރީ ޕާޓީ (ޖޭޕީ) އާއި ފިކުރެއްގެ ދިރުން ގުޅިގެން ކުރަމުން އަންނަ މަސައްކަތަށް ފާޑު ވިދާޅުވަމުން އަންނަ ޝަރީފް ވިދާޅުވެފައިވަނީ އިންތި އެ ވިދާޅުވާ ގޮތަށް ކިންގ މޭކަރ އަކަށް ފިކުރެއްގެ ދިރުން ނުވާނެ ކަމަށާއި އޭގެ ބަދަލުގައި ފިކުރެއްގެ ދިރުން ވެގެންދާނީ ޖޭޕީގެ ލީޑަރ ޤާސިމް އިބްރާހިމްގެ ހާލަކަށް ކަމަށެވެ.
ޝަރީފް މިހެން ވިދާޅުވެފައިވަނީ އޭނާ އަކީ އަބަދުވެސް ޤާސިމްއަށް ހެޔޮ އެދޭ ރައްޓެއްސަކަށް ވާތީ ކަމަށްވެސް ވިދާޅުވެފައިވެއެވެ.
ރިޔާސީ އިންތިޚާބަށް ޖޭޕީން ވަކިން ނިކުންނަން އިއުލާނު ކުރުމާއެކު ނަޝީދުގެ ފިކުރެއްގެ ދިރުމުން ވަނީ އެމަނިކުފާނަށް މަރުހަބާ ކިޔާފައެވެ. އަދި ޖޭޕީއާއި ފިކުރެއްގެ ދިރުން ގުޅިގެން ޖޮއިންޓް ޕާލަމެންޓްރީ ގުރޫޕެއް އެކުލަވާލާ ސަރުކާރު ޖަވާބުދާރީ ކުރުމަށް މަސައްކަތް ކުރާނެކަން ވެސް އިއުލާނުކޮށްފައިވެއެވެ. މިއާއިއެކު މިހާރު ފިކުރެއްގެ ދިރުން އަދި ޖޭޕީއިން ގުޅިގެން އަންނަނީ މެނިފެސްޓޯ އެއް އެކުލަވާލުމުގެ މަސައްކަތް ވެސް ކުރަމުންނެވެ.
Advertisement
This content is created and paid for by advertisers and does not involve Voice Journalists
