ކުރިއަށް އޮތް ރިޔާސީ އިންތިހާބު އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހީމް މުހައްމަދު ޞާލިހު ކާމިޔާބު ކުރައްވާނީ ރައްޔިތުންގެ ލޯތްބާއެކު ކަމަށް ފޮރިން މިނިސްޓަރު އަބްދުالله ޝާހިދު ވިދާޅުވެއްޖެ އެވެ.
ޝާހިދު މިފަދައިން ވިދާޅުވެފައި ވަނީ ކުރިއަށް އޮތް ރިޔާސީ އިންތިހާބާއި ގުޅިގެން މިއަދު ކުރެެއްވި ޓުވީޓެއްގައެވެ.
އެގޮތުން ޝާހިދު ވިދާޅުވީ، ރައީސް ޞާލިހުގެ މާލިމީ ކަމުގައި ރާއްޖެއަށް ލިބެމުންދާ ތަރައްގީ އޮތީ ސާފުކޮށް ފެންނަން ކަމަށެވެ.
"މާތް اللهގެ ހެޔޮ ރަހުމަތްފުޅުން 2023ގެ ރިޔާސީ އިންތިހާބު އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހީމް މުހައްމަދު ޞާލިހު ކާމިޔާބު ކުރައްވާނީ ރައްޔިތުންގެ ލޯތްބާއެކު" ޝާހިދު ވިދާޅުވި އެވެ.
ރިޔާސީ އިންތިހާބަށް ވަގުތު ކުޑަތަންވާ ވަރަށް، ރައީސް ޞާލިހަށް ތާއީދު ކުރައްވާ މެންބަރުންނާއި މިނިސްޓަރުންވެސް އެމަނިކުފާނަށް ތާއީދު ވާހަކަ ދައްކަވައި ޓުވީޓް ކުރައްވާ މިންވަރު ވަނީ އިތުރު ވެފައެވެ.
ވަކިން ޚާއްސަކޮށް، ޖުމްހޫރީ ޕާޓީގެ ލީޑަރު ޤާސިމް އިބްރާހިމް ރިޔާސީ ރޭހަށް ވަކިން ނުކުން ނަވަން ނިންމެވުމާއިއެކު ސަރުކާރުގެ މަގާމު ތަކުގައި ތިއްބެވި މެންބަރުން، ރައީސް ޞާލިހަށް ތާއީދު އޮތް މިންވަރު ހާމަ ކުރައްވައި ޓުވީޓްތައް ކުރައްވާ މިންވަރު ވަނީ އިތުރުވެފައެވެ.
Advertisement
This content is created and paid for by advertisers and does not involve Voice Journalists
