ރޯދަ ހަދިޔާ ލިބޭނެ ކަމަށް ބުނެ އެކި ކުންފުނިތަކުން ކުރާ ފޭކް މެސެޖްތަކަށް ސަމާލުވުމަށް ފުލުހުން އެދިއްޖެއެވެ.
އެގޮތުން ރޭ ފުލުހުން ކުރި ޓްވީޓެއްގައި ބުނެފައިވަނީ ރޯދަ ހަދިޔާ ލިބޭނެ ކަމަށް ބުނެ އެކި ކުންފުނިތަކުގެ ނަމުގައި ސްކޭމް މެސެޖުތަކެއް ކުރަމުންދާކަމުގެ މައުލޫމާތު ފުލުހުންނަށް ލިބިފައިވުމާއިއެކު މިކަން ދަނީ ބަލަމުން ކަމަށެވެ.
އެހެންކަމުން މި މެސެޖުތަކުގައިވާ އެއްވެސް ލިންކަކަށް ކްލިކް ނުކުރުމަށް ފުލުހުން ވަނީ އިލްތިމާސް ކޮށްފައެވެ.
މިއާއިއެކު މިފަދަ މައްސަލަތައް ރިޕޯޓު ކުރުމަށް ފުލުހުންގެ އޮންލައިން ކްރިމް ރިޕޯޓިންގ ޕޯޓަލް ނުވަތަ ހޮޓްލައިން ނަންބަރު 3322111 އަށް ގުޅުއްވުމަށް ފުލުހުން ވަނީ އެދިފައެވެ.
ފަހަކަށް އައިސް ސްކޭމް މެސެޖްތައް ކޮށް މީހުން ފޭރުމުގެ މައްސަލަތައް ވަނީ ގިނަވެފައެވެ. އެގޮތުން މިފަދަ މައްސަލަތަކުގެ ސަބަބުން ބޭންކް އޮފް މޯލްޑިވްސްއިންވެސް އަންނަނީ ކަސްޓަމަރުން ސަމާލުވުމަށް އެދި، ބެންކް ގެ ސެކިއުރިޓީ ވަރުގަދަ ކުރުމަށް އެތައް ފިޔަވަޅުތަކެއް އަޅަމުންނެވެ.
Advertisement
This content is created and paid for by advertisers and does not involve Voice Journalists
