މޯލްޑިވްސް އިސްލާމިކް ބޭންކުގައި ޑޯމަންޓް (މުއާމަލާތް ނުކުރާ އެކައުންޓް) ގެ ގޮތުގައި ހުރި އެކައުންޓުތަކުގެ ވެރިފަރާތްތަކުގެ ސަމާލުކަމަށް

ގާނޫނު ނަންބަރު 24/2010 (ދިވެހިރާއްޖޭގެ ބޭންކިންގއާބެހޭ ގާނޫނު) ގެ 35 ވަނަ މާއްދާގައި ބަޔާންކޮށްފައވާ ފަދައިން ވިދިވިދިގެން 5 (ފަހެއް) އަހަރުދުވަސްވަންދެން، އެކައުންޓެއްގެ ވެރިފަރާތުން އެ އެކައުންޓަކުން އެއްވެސް މުއާމަލާތެއް ކޮށްފައިނުވާނަމަ، ނުވަތަ ބޭންކަށް އެއްވެސް ލިޔުމެއް ފޮނުވާފައި ނުވާނަމަ، އެ އެކައުންޓަ ޑޯމަންޓް އެކައުންޓެއްގެ ގޮތުގައިކަނޑައަޅައި، މި ވޭތުވެދިޔަ 5 (ފަހެއް) އަހަރުދުވަހުގެ ތެރޭގައި އެއްވެސް މުއާމަލާތެއް ހިނގައިފައި ނުވާކަމަށް މޯލްޑިވްސް އިސްލާމިކް ބޭންކު ރިކޯޑުތަކުން ދައްކާ ހުރިހާ އެކައުންޓެއްގެ ވެރިފަރާތްތަކަށް މި ބޭންކުގެ ފަރާތުން ވާނީސޓީ ފޮނުވާފައެވެ. އަދި އެ ގާނޫނުގައިވާ ގޮތުގެ މަތީން މިގޮތަށް ކަސްޓަމަރުންނަށް އެންގުމަށްފަހު، އެ ކަސްޓަމަރުންގެފަރާތުން އެއްވެސް ޖަވާބެއް ނުލިބިއްޖެނަމަ، އެ ފަރާތްތަކުގެ ނަންތައް ދުވަހު ނޫސްތަކުގައި ޝާއިއުކުރުމަށްފަހު، ދިވެހި ސަރުކާރުގެގެޒެޓުގައި ވެސް އާންމުކުރެވޭނެއެވެ. މގޮތަށް އިޢުލާން ކުރާތާ 60 (ފަސްދޮޅަސް) ދުވަސް ހަމަވުމުން، އެ ފަރާތްތަކުގެ އެކައުންޓްތަކުގައިވާ ފައިސާ، މޯލްޑިވްސް މަނިޓަރީ އޮތޯރިޓީ (އެމް.އެ9.) އާ ހަވާލުކުރުމަށްފަހު، އެކައުންޓްތައް ބަންދުކުރުމަށް ގާނޫނުގައި ވަނީ ބަޔާންކޮށްފައެވެ.

ވީމާ، އެކައުންޓް އެކްޓިވް ކުރުމަށް ޓަކައި، ބޭންކުގެ "ކަސްޓަމަރ މަޢުލޫމާތު ފޯމު" ފުރުމަށްފަހު އަސްލާ އެއްގޮތްކަން އަންގައިދޭ ތައްގަނޑު ޖަހައިފައިވާ ދިވެހި ރައްޔިތެއްކަން އަންގައިދޭ ކާޑުގެ ކޮޕއެއް މޯލްޑިވްސް އިސްލާމިކް ބޭންކުގެ ވެބްސައިޓުގައިވާ މި ލިންކް https://applynow.mib.com.mv  މެދުވެރިކޮށް ނުވަތަ މޯލްޑިވްސް އިސްލާމިކް ބޭންކުގެ ބަރާންޗަކަށް ހުށަހަޅުން އެދެމެވެ.

އެއަށްފަހުގައި އެކައުންޓުން ފައިސާގެ މުއާމަލާތެއް ހިންގުން ވެސް އެދެމެވެ. އަދި 30 މޭ 2023 ގެ ކުރިން އެކްޓިވޭޓްކުރުމަށް  އެދިފައި ނުވާނަމަ، ގާނޫނު ނަންބަރު  24/2010 (ދިވެހިރާއްޖޭގެ ބޭންކިންގއާބެހޭ ޤާނޫނު) ގެ 35 ވަނަ މާއްދާގެ (ހ) ގައި ބަޔާންކޮށްފައިވާ ފަދއިން ޢަމަލުކުރެވޭނެއެވެ. އަދި މޯލްޑިވްސް މަނިޓަރީ އޮތޯރިޓީ (އެމް.އެމް.އޭ) އާ ހަވާލުކޮށްފައިވާ ފައިސާ ހޯދަން ބޭނުންވާނަމަ، ޑޯމަންޓް އެކައުންޓުގައިވާ ފައިސާ ނެގުމަށްއެދި ހުށަހަޅާ ފޯމު ފުރުމަށްފަހު، މޯލްޑިވްސް އިސްލާމިކް ބޭންކުގެ ބްރާންޗްތަކަށް ހުށަހެޅުމުން ލިބޭނެ ވާހަކަވެސް އަންގަމެވެ.

ފާއިތުވި ދުވަސްތަކުގައި ތިޔަ ފަރާތުން، މޯލްޑިވްސް އިސްލާމިކް ބޭންކަށް ކުރި އިތުބާރާއި، ދިން އެއްބާރުލުމަށާއި، ބެހެއްޓިގާތްކަމަށްޓަކައި ވަރަށް އިހްލާސްތެރިކަމާއެކު ޝުކުރު އަދާކުރަމެވެ.

އިތުރު މަޢުލޫމާތު ހޯދުމަށް، 3011172 ނަންބަރު ފޯނަށް، ނުވަތަ 3011103 ނަންބަރު ނަށް، ނުވަތަ 3011100ނަންބަރު ފޯނަށް ގުޅުން ނުވަތަ[email protected] އަށް އީމެއިލް ކުރުން އެދެމެވެ.