ރާއްޖޭގެ ރަށްތައް ދަތުރުފަތުރުގެ ނިޒާމުން ގުޅާލުމަށް ސަރުކާރުން ފަށާފައިވާ "އިންޓަގްރޭޓެޑް ނެޝެނަލް ޕަބްލިކް ފެރީ ނެޓްވޯކް" ގެ ދަށުން ފެށި "ރާއްޖެ ޓްރާންސްޕޯޓް ލިންކް" (އާރުޓީއެލް)ގެ ދަތުރުރައް ހުވަދު އަތޮޅުގައި ފެށުމަށް ބޭނުންވާ ފުރަތަމަ ފެރީ ބަނދެ ނިންމައިފިއެވެ.

ތިލަފުށީ ބޯޓުޔާޑުން ބޭލި މި ފެރީ ފަރުމާ ކޮށްފައި ވަނީ އަލް-ޝާލީ މެރިން ކުންފުނިންނެވެ. މިފެރީގައި އެއްފަހަރާ 50 މީހުންނަށް ދަތުރުކުރެވޭނެ ކަމަށް އެމްޓީސީސީން މައުލޫމާތުދެއެވެ.

ހުވަދު އަތޮޅުގައި އާރްޓީއެލް ފެރީގެ ހިދުމަށް ދިނުމަށް ހަ ފެރީ ބޭނުން ކުރަން ހަމަޖެހިފައިވެއެވެ. އެގޮތުން އެ ސަރަހައްދަށް ހާއްސަ މި ފެރީތަކަކީ މީގެ ކުރިން އެމްޓީސީސީން ބޭނުން ކުރި ލޯންޗުފަހަރަށް ވުރެ ބޮޑު ލޯންޗެކެވެ.

Advertisement

އެމްޓިސީސީން ބުނީ އެ ފެރީތަކުގައި ވީލްޗެއާ އަދި ސްޓްރެޗާ ބެހެއްޓޭނެ ޖާގަ ވެސް ހުންނާނެ ކަމަށެވެ.

އާރްޓީއެލް ފެރީގެ ހިދުމަތް ރަސްމީކޮށް ޖޫން 12 ގައި ފެށި އިރު، ފުރަތަމަ ފެށީ ޒޯން 1 ގައި ހިމެނޭ އަތޮޅުތަކުގެ ތެރެއިން ހއ. އަތޮޅުންނެވެ. އޭގެ ފަހުން ހދ.، ށ، އަދި ޅ. އަތޮޅަށް ފެރީގެ ދަތުރުތައް ވަނީ ފަށައިފަ އެވެ.

ހުވަދު އަތޮޅު ހިމެނެނީ ޒޯން 5 ގައެވެ.