މިއަހަރުގެ ސެޕްޓެމްބަރު މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި  ކުރީގެ މަޖިލިސް މެމްބަރު އަދި އޭޑީކޭ ގްރޫޕް އޮފް ކޮމްޕެނީގެ ޗެއަރމަން އަހްމަދު ނަޝީދު (އޭޑީކޭ ނާޝިދު) ރައީސް އިބްރާހިމް މުޙައްމަދު ޞާލިޙަށް ތާއީދު ކުރުމަށް ނިންމައިފިއެވެ.

ރާއީސް ޞާލިޙަށް ތާޢީދު ކުރުމަށް ނިންމާފައިވާކަން އިއްލާނުކޮށް އިއްޔެ އޭޑީކޭ ނަޝީދު ކޮށްފައިވާ ޓްވީޓެއްގައި  ބުނެފައިވަނީ އޭނާ ކުރިންވެސް ތާއީދު ކުރީ ރައީށް ޞާލިޙަށް ކަމަށާއި އަދި މިފަހަރުވެސް ތާއީދު ކުރާނީ ރައީސް ޞާލިޙަށް ކަމަށެވެ.

ރައްޔިތުންގެ މަޖިލީހުގެ ދ އަތޮޅުގެ މެމްބަރުކަމާއި ކޮމަންޑޫ ދާއިރާގެ މަޖިލިސް މެމްބަރުކަންވެސް ކުރިން ކުރި ނާޝިދު އަކީ ޖުމްހޫރީ ޕާޓީގެ އެއް ފައުންޑަރ އެވެ. އަދި އެޕާޓީގެ ލީޑަރުކަންވެސް ކުރިން ނާޝިދު ކޮށްފައިވެއެވެ.

Advertisement

ނާޝިދު މިވަގުތު ހުރީ ސިޔާސީ މަސައްކަތް ތަކާއި ދުރުގައެވެ. މިވަގުތު ނާޝިދު ހުރީ ދިވެހިރާއްޖޭގައި ހުންނަ މޮރޮކޯގެ އޮނަރަރީ ކޮންސުލްގެ މަޤާމުގައެވެ.

ނާޝިދުގެ އިތުރުން ޖުމްހޫރީ ޕާޓީގެ މެމްބަރުންގެ ގޮތުގައި ތިބި ސަރުކާރުގެ އިސް މަޤާމުތަކުގައި ތިބި ބަޔަކު ވަނީ ރައީސް ޞާލިޙަށް ތާއީދު ކުރުމަށް ނިންމައި އެކަން އިއުލާނު ކޮށްފައެވެ. އޭގެ ތެރޭގައި އެމްޑަބްލިޔުއެސްސީގެ އެމްޑީ ހަސަން ޝާހު އާއި އެމްޓީސީސީގެ ސީއީއޯ އާދަމް އާޒިމްވެސް ވަނީ ޖޭޕީ އިން ވަކިވެ ރައީސް ޞާލިޙަށް ތާއީދުކުރުމަށް ނިންމައިފައެވެ.