ކ މާފުށީ ބަނދަރުގެ ޢަމަލީ މަސައްކަތައް ބޭނުންވާ ސައިޓް މޮބަލައިޒް ކޮށްފައިވާ ކަމަށް ބަނދަރުގެ މަސައްކަތް ކުރުމަށް ހަވާލުވެފައިވާ ކުންފުނި އެމްޓީސީސީ އިން ބުނެފިއެވެ.

އެމްޓީސީސީން ބުނީ  މި މަޝްރޫއުގެ ދަށުން 28،836 ކިއުބިކް މީޓަރަށް ބަނދަރު ފުން ކުރާނެ ކަމަށެވެ. އަދި 63،711 ކިއުބިކް މީޓަރަށް އާ ބަނދަރު ފުންކުރާނެ ކަމަށެވެ. .

މީގެ  އިތުރުން، 4،414 ކިއުބިކް މީޓަރަށް ނެރު ފުން ކުރުމާއި، 31 މީޓަރަށް ބޭރުތޮށި ޖެހުމާއި، ސޭންޑްފިލް ބްރޭކްވޯޓާ ހެދުމާއި 64 މީޓަރަށް ރިވެޓްމެންޓް ޖެހުމާއި 700 މީޓަރަށް ޖިއޯ ބޭގް ރިވެޓްމެންޓް ޖެހުމާއި 374 މީޓަރަށް އެއްގަމު ތޮށި ޖެހާނެކަމަށްވެސް އެކުންފުނިން ހާމަކޮށްފައިވެއެވެ.

Advertisement

އަދި މިމަސައްކަތުގެ އިތުރަށް، 367 މީޓަރަށް ސްކޯރިން އެޕްރޮން ޖެހުމާއި، 73 މޫރިން ރިންގް ހަރުކުރުމާއި، 10 މޫރިންގ ބޮއި ހަރުކުރުމާއި، އެކްސެސް ޕްލެޓްފޯމް އެޅުމާއި، ކޮންކްރީޓް ބްރިޖެއް ހެދުމާއި، ކޮންކްރީޓް ޖެޓީއެއް ހެދުމާއި 33 މަގު ބައްތި ހަރުކުރުމުގެ އިތުރުން 1,869 އަކަ މީޓަރަށް ޕޭވްމަންޓް ހަދަން އެމްޓީސީސީއާ ވަނީ ހަވާލު ކޮށްފައި ކަމަށް އެކުންފުނިން ބުނެއެވެ..

ޕްލޭނިންގ މިނިސްޓްރީން އެމްޓީސީސީއާއި ހަވާލުކުރި މި މަޝްރޫޢުއަކީ 82 މިލިއަން ރުފިޔާގެ މަޝްރޫޢުއެކެވެ. އަދި މި މަސައްކަތް ނިންމުމަށް ކަނޑައެޅިފައިވަނީ 600 ދުވަހުގެ ތެރޭގައި ކަމަށް އެމްޓީސީސީން ހާމަކޮށްފައިވެއެވެ..