ޖުމްހޫރީ ޕާޓީގެ ވެރިކަމެއްގައި ގެންގުޅޭނީ ކުރީގެ ރައީސް އިބްރާޙިމް ނާސިރު ގެންގުޅުއްވި ފަދަ ޚާރިޖީ ސިޔާސަތެއްކަމަށް ޖޭޕީގެ ރިޔާސީ ކެންޑިޑޭޓު އަދި އެ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެ އެވެ.
ޤާސިމް މިފަދައިން ވިދާޅުވެފައިވަނީ ކުރެއްވި ޓްވީޓެއްގަ އެވެ.
ޖުމްހޫރީ ޕާޓީން ރިޔާސީ އިންތިޚާބުގައި ވާދަކުރާނެކަން އިއުލާނުކޮށް އެ ޕާޓީގެ ކެންޑިޑޭޓަކީ ޤާސިމްކަމަށް ރަސްމީކޮށް ކަނޑައެޅުމާއި އެކު، ޕާޓީން ގެންދަނީ އެ މީހުންގެ ބައެއް ސިޔާސަތުތައް ހާމަކުރަމުން ނެވެ.
އެގޮތުން ޖޭޕީން ޚާރިޖީ ސިޔާސަތު ބައްޓަން ކުރާނެ ގޮތާއި ގުޅޭގޮތުން ޤާސިމް ކުރެއްވި އެ ޓްވީޓުގައި ވިދާޅުވީ ޖޭޕީން ޚާރިޖީ ސިޔާސަތު އެކުލަވާލާއިރު ނަމޫނާ ނަގާނީ ކުރީގެ ރައީސް އިބްރާހިމް ނާސިރާއި، މައުމޫނު އަބްދުލްގައްޔޫމު ގެންގުޅުއްވި ޚާރިޖީ ސިޔާސަތުން ކަމަށެވެ.
އަދި ޖޭޕީވެސް އެކުލަވާލާނީ އެފަދަ ކާރިޖީ ސިޔާސަތެއްކަމަށް ޤާސިމް ވިދާޅުވި އެވެ.
"އަޅުގަނޑުގެ ވެރިކަމެއްގައި ދިވެހިރާއްޖޭގެ ޚާރިޖީ ސިޔާސަތަކަށް ހަދާނީ ކުރީގެ ރައީސް އިބްރާހިމް ނާސިރާއި މައުމޫނުވެސް ގެންގުޅުއްވި ޚާރިޖީ ސިޔާސަތު ކަމުގައި ދަންނަވަން"
ޖޭޕީގެ ރިޔާސީ ކެންޑިޑޭޓު ޤާސިމް އިބްރާހިމް
މި ސަރުކާރަށް އެންމެ ގިނަ ފާޑުކިޔުންތަކެއްވެސް އަމާޒުވެފައިވަނީ ސަރުކާރުގެ ޚާރިޖީ ސިޔާސަތު ބައްޓަންކޮށްފައިވާ ގޮތަށެވެ.
އެގޮތުން މި ސަރުކާރުގެ ޚާރިޖީ ސިޔާސަތަކީ އިންޑިއާއަށް ބުރަވާ ޚާރިޖީ ސިޔާސަތެއްކަމަށް ބުނެ އިދިކޮޅު ފަރާތްތަކުން ބޮޑެތި ފާޑުކިޔުންތަކެއް ވަނީ އަމާޒުކޮށްފަ އެވެ.
Advertisement
This content is created and paid for by advertisers and does not involve Voice Journalists
