އުރީދޫ މޯލްޑިވްސް އާއި މާލެ ސިޓީ ކައުންސިލް ގުޅިގެން އުރީދޫ ޢީދު ސައި ބޭއްވުމަށް ނިންމައިފިއެވެ.
އެގޮތުން އުރީދޫއިން ބުނެފައިވަނީ ފިތުރު އީދުގެ މުނާސަބަތާއި ގުޅިގެން ބާއްވާ އުރީދޫ އީދު ސައި އޮންނާނީ އީދު ނަމާދަށްފަހު ކިންގް ސަލްމާން މިސްކިތް ކުރިމަތީގައި ކަމަށެވެ.
މިއާއިއެކު މި ހަރަކާތަކީ ފިތުރު އީދުގެ އުފާވެރި މުނާސަބަތުގައި އެއްތަނަކުން އުފާވެރި ވަގުތުކޮޅެއް ހޭދަކޮށްލުމުގެ މަގްސަދުގައި ކުރިއަށް ގެންދާ ހަރަކާތެއް ކަމަށް އުރީދޫއިން ބުނެފައިވެއެވެ.
އުރީދޫ އީދު ސައިގައި ބައިވެރިވާ ފަރާތްތަކަށް އާއިލާ އާއި ރައްޓެހިންނާއެކު އުފާވެރި މާހައުލެއްގައި އީދު ދުވަހުގެ ނާސްތާ ބައްލަވައިގަނެވޭނެއެވެ.
މި ހަރަކާތުގެ އިތުރުން ވެސް އުރީދޫއިން ވަނީ ރޯދަމަހުގެ ތެރޭގައި އެތައް ހަރަކާތްތަކެއް ކުރިއަށް ގެންގޮސްފައެވެ.
އެގޮތުން ބޮކި ބޯޅަ މުބާރާތަކާއި, އެކިކަހަލަ ހަދިޔާތައް ލިބޭފަދަ އޮފާތަކެއް ލޯންޗްކުރުމާއިއެކު, އުރީދޫ ފަން ރަން ކުޅުދުއްފުށި ސިޓީގައި ބޭއްވުމަށް ވަނީ ހަމަޖެހިފައެވެ.
އުރީދޫއިން މައުލޫމާތު ދޭގޮތުގައި އެހެން އަހަރުތަކެކޭ އެއްފަދައިން މުޅި ރާއްޖޭގައި ޢީދު ފާހަގަކުރުމުގެ ހަރަކާތްތައް ކުރިއަށް ގެންދާނެކަމަށެވެ.
Advertisement
This content is created and paid for by advertisers and does not involve Voice Journalists
