ދިވެހިރާއްޖޭގެ މަޝްހޫރު ސޯޝަލްމީޑިއާ އިންފުލުއެންޒާ ޝިއުފާ އަހްމަދު (ޝިއު) ގެ ނަމާއި ގުޅުވައިގެން "ޝިއު ޕާފިއުމް" ގެ ނަމުގައި އަންހެނުންނަށް ހާއްސަ ސެއްޓެއް އުފައްދައި ރާއްޖޭގެ ބާޒާރަށް ތައާރަފް ކޮށްފިއެވެ.

މިއީ އައިލެންޑް ޕާފިއުމް ބާރ އިން އަމިއްލަ އަށް ޑިޒައިން ކޮށްފައިވާ ދިވެހި އަމިއްލަ އުފެއްދެމް ކަމަށް އައިލެންޑް ޕާފިއުމް ބާރއިން މައުލޫމާތު ދެއެވެ.

މިސެންޓް ނެރެފައިވަނީ އައިލެންޑް ޕާފިމް ބާރ ގައި މިކަމަށް ހާއްސަ ކޮށްގެން ރޭ ބޭއްވި ހަފްލާއެއްގައެވެ.      

އައިލެންޑް ޕާފިއުމް ބާރއިން މައުލޫމާތު ދިން ގޮތުގައި، މި ޕާފިއުމަކީ މިކަމުގެ ތައުލީމު ހާސިލުކޮށްގެން ތިބި އައިލެންޑް ޕާފިއުމް ބާގެ ޓީމުން އެކްސްޕްރިމަންޓް ކޮށްގެން އުފައްދާފައިވާ، އަންހެނުންނަށް ގަޔާވާ ވަހެއް ހުންނަ ސެންޓެއް ކަމަށެވެ. އަދި މި ސެންޓުގައި ފްލޯރަލް އަދި ފްރުޓީ ވަސްތަކެއް އެކުލެވިގެންވާނެ ކަމަށެވެ.

"ސެންޓުގެ ވަސް ފަނޑުވަމުންދާއިރު ދެން ނުކުންނަނީ މަސްކް، އަދި ވުޑީ ވަސްތަކެއް. މިއީ ރާއްޖޭގެ މާހައުލާ ގުޅޭގޮތަށް ރާއްޖެއަށް ހާއްސަކޮށްގެން ރާއްޖޭގެ ކުންފުންޏަކުން ތަޢާރަފް ކުރި ފުރަތަމަ ސެންޓު. މީގެ ސެންޓުގެ އިތުރުން އަތަރު ލިބެން ހުންނާނެ" އައިލެންޑް ޕާފިއުމް ބާރއިން މައުލޫމާތު ދިނެވެ.

ސޯޝަލްމީޑިއާ އިންފުލުއެންޒާ ޝިއުފާ އަހްމަދު (ޝިއު)

ސެންޓުގެ ވަސް ގިނައިރު ހިފެހެއްޓުމަށްޓަކައި ވަކި ވައްޓަފާޅިއަކުން ސެންޓު ޖެހުމަށް އައިލެންޑް ޕާފިއުމް ބާރއިން އިރުޝާދުދެއެވެ. އެގޮތުން ލާ އަންނައުނުގެ އިތުރުން ހަށިގަނޑުގެ ޕަލްސް ޕޮއިންޓްތަކަށް (ހަމުގެ ފަށަލައާ އެންމެ ކައިރިން ވިންދު ޖަހާ ދިމާތައް) ސެންޓު ޖެހުމަކީ އޭގެ ތެރެއިން ކުރެވިދާނެ ކަމެއް ކަމަށް އައިލެންޑް ޕާފިއުމް ބާރއިން ބުނެއެވެ.

"އައިލެންޑް ޕާފިއުމްއިން ދޭ ޔަގީންކަމަކީ، އެ ވައްޓަފާޅިއަށް އެ ތަނުން ވިއްކާ ސެންޓު ޖަހައިފި ނަމަ، 10-12 ގަޑިއިރަށް ވަސް ދެމި ހުންނާނެކަމުގެ ޔަގީންކަން" އައިލެންޑް ޕާފިއުމް ބާރއިން ބުންޏެވެ.

އައިލެންޑް ޕާފިއުމް ބާރއަކީ އެންމެ މަޝްހޫރު ބްރޭންޑްތަކުގެ އޮރިޖިނަލް އަތަރު އަދި ސެންޓުތައް ވިއްކުމުގެ އިތުރުން އެކި ޕާފިއުމްތައް މިކްސް ކޮށްގެން އެ މީހަކަށް ކަމުދާ ވަހެއް ދުވާ ސެންޓެއް ތައްޔާރުކުރުމުގެ ފުރުސަތު ފަހިކޮށްދީފައިވާ ސެންޓް ފިހާރައެކެވެ. މިއީ ރާއްޖޭގައި ހުޅުވި ފުރަތަމަ ޕާފިއުމް ބާރއެވެ.

އައިލެންޑް ޕާފިއުމް ބާރ އިން ވިއްކާ ޕްރޮޑަކްޓުތަކާ ގުޅޭ މައުލޫމާތު، އެ ފިހާރައިގެ ވެބްސައިޓް އަދި އިންސްޓަގްރާމް ޕޭޖުން ބަލައިލެވޭނެ އެވެ. އަދި7558822 އަށް ގުޅައިގެން ނުވަތަ ވައިބަ ކޮށްގެންވެސް އޯޑަރު ކުރެވޭނެ އެވެ.

މީގެ އިތުރުން ލޮނުޒިޔާރަތް މަގު ކުރީގެ ޓާމިނަލް ކެފޭ ކައިރީ ހުންނަ އައިލެންޑް ޕާފިއުމް ބާރ އަށް ޒިޔާރަތް ކޮށްގެން ވެސް އެ ފިހާރައިން ވިއްކާ ތަކެތި ޓެސްޓު ކޮށްލެވޭނެ އެވެ.