ރާއްޖޭގެ ދެކުނުގެ ރިސޯޓެއްގައި ގަހެއް ކަނޑަނިކޮށް، ގޮފިގަނޑެއް ވިއްސައިގެން އައިސް ބޮލުގައި ޖެހި އަނިޔާވި މީހެއް ހޮސްޕިޓަލްގައި ފަރުވާދެނިކޮށް ނިޔާވެއްޖެއެވެ.
މިކަމާއި ގުޅިގެން ފުލުހުންގެ މީޑިއާ އޮފިޝަލަކު 'ވޮއިސް' އަށް ވިދާޅުވީ އައްޑޫ އިކުއަޓޯރިއަލް ހޮސްޕިޓަލްއަށް އެމީހާ ގެންގޮސްފައިވާ ކަމަށް މިއަދު ހެނދުނު 9:03 ކަންހާއިރު ފުލުހުންނަށް މައުލޫމާތު ލިބިފައިވާ ކަމަށެވެ.
އަދި އެ މީހާއަށް ހޮސްޕިޓަލްގައި ފަރުވާދެމުން ދަނިކޮށް ނިޔާވެފައިވާ ކަަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށްވެސް ވިދާޅުވިއެވެ.
މި ހާދިސާގައި ނިޔާވެފައި ވަނީ އުމުރުން 61 އަހަރުގެ ދިވެހި ފިރިހެނެކެވެ.
މީގެ އިތުރުން މި މައްސަލައާއި ގުޅިގެން ބަލަން ޖެހޭ ކަންކަން ފުލުހުން ދަނީ ބަލަމުން ކަމަށްް ފާހަކުރައްވާފައިވެއެވެ.
Advertisement
This content is created and paid for by advertisers and does not involve Voice Journalists
