މޯލްޑިވްސް ޓްރާންސްޕޯޓު އެންޑް ކޮންޓްރެކްޓިން ކޮންމެޕީ (އެމްޓީސީސީ) އަށް މިއަހަރު ލިބުނު ފައިދާއިން ހިއްސާއަކަށް 4 ރުފިޔާގެ މަގުން 32 މިލިއަން ރުފިޔާ ބެހުމަށް އެ ކުންފުނީގެ އަހަރީ އާންމު ޖަލްސާއިން ފާސްކޮށްފި އެވެ. 

އެގޮތުން ޖުމްލަ 32,150,996 ރުފިޔާ ހިއްސާދާރުންގެ މެދުގައި ބެހުމަށް ވަނީ ނިންމާފަ އެވެ. 

އެމްޓީސީސީގެ ޑިރެކްޓަރުންގެ ބޯޑުގެ ޖަލްސާއިން އެހެން ނިންމާފައިވާއިރު އެމްޓީސީސީއިން ބުނީ ހިއްސާ ބަހަން ނިންމާފައިވަނީ މިދިޔަ މަހުގެ 12 ވަނަ ދުވަހުގެ ނިޔަލަށް އެ ކުންފުނީގެ ހިއްސާދާރުންގެ ގޮތުގައި ރަޖިސްޓްރީގައި ހިމެނޭ ހިއްސާދާރުންނަށް ކަމަށެވެ.

Advertisement

އެމްޓީސީސީއަށް މިދިޔަ އަހަރު 28.1 މިލިއަން ރުފިޔާގެ ފައިދާގެ ގޮތުގައި ލިބުނުއިރު 2021 ވަނަ އަހަރު ލިބުނީ 224 މިލިއަން ރުފިޔާގެ ފައިދާއެކެވެ. އަދި 2020 ވަަނަ އަހަރު ވަނީ 190.69 މިލިއަން ރުފިޔާގެ ފައިދާއެއް ލިބިފައެވެ.

އެމްޓީސީސީއިން މިދިޔަ އަހަރު ލިބުނު ފައިދާއިން ހިއްސާއަކަށް 3.50 ރުފިޔާ ބަހާފައިވާއިރު 2020 އަހަރު ހިއްސާގެ ގޮތުގައި ބަހާފައިވަނީ 3 ރުފިޔާއެވެ.