ބޭންކް އޮފް މޯލްޑިވްސް (ބީއެމްއެލް) އިން ހުޅުވާލި ޕްރޮމޯޝަންގެ ދަށުން ހުރިހާ ހަރަދަކާއެކު ދެ މީހަކަށް އިސްތަންބޫލްގައި އޮންނަ ޔޫއެފްއާ ޗެންޕިއަންސް ލީގު ފައިނަލް މެޗް ބަލާލަން ދިޔުމުގެ ފުރުސަތު ލިބޭ ފަރާތް ގުރުއަތުން ހޮވައިފިއެވެ.

އެގޮތުން މާސްޓަރކާޑުގެ ކަސްޓަމަރުންނަށް ހުޅުވާލި މި ޕްރޮމޯޝަން އިން ހޮވުނު ފަރާތަކީ ހުދާ ހުސެއިން ހަބީބެވެ.

މި ޕްރޮމޯޝަން ކުރިޔަށް ގެންގޮސްފައިވަނީ ބީއެމްއެލް އިން ދޫކޮށްފައިވާ މާސްޓަރކާޑު މެދުވެރިކޮށް ރާއްޖެ އާއި ރާއްޖޭން ބޭރުގައި ކުރާ ހުރިހާ މުއާމަލާތްތަކެއް ހިމެނޭ ގޮތަށް ކަމަށް ބީއެމްއެލް އިން މިކަމާއި ގުޅިގެން ނެރުން ބަޔާނެއްގައި ވަނީ ބުނެފައެވެ.

މިއާއިއެކު ޔޫއެފްއާ ޗެންޕިއަންސް ލީގުގެ އޮފިޝަލް ސްޕޮންސަރެއް ކަމަށްވާ މާސްޓަރކާޑުގެ ރާއްޖޭގެ ޕްރިންސިޕަލް މެމްބަރަކީ ބީއެމްއެލް ކަމަށް ބެންކުން ވަނީ ފާހަގަކޮށްފައެވެ.

އެގޮތުން ބީއެމްއެލް އިން އަންނަނީ ރާއްޖޭގައި މާސްޓަރކާޑު ޑެބިޓް، ކްރެޑިޓް އަދި ޕްރީޕެއިޑް ކާޑު ދޫކުރަމުން ކަމަށް ބެންކުން ވަނީ ފާހަގަކޮށްފައެވެ.