ގެއްލިގެން ހޯދަމުން ދިޔަ އަންހެން މީހާއާއި އޭނާގެ ދަރިފުޅުގެ ހަބަރެއް ވެއްޖެ ކަމަށާއި ދެމައިންގެ ހާލުވެސް ރަނގަޅު ކަމަށް ފުލުހުން ބުނެފިއެވެ.

ގެއްލިގެން ހޯދަމުން ދިޔައީ . އިހަވަންދޫ / ނަސްރީނުގެ، ޢާއިޝަތު އިޙްސާނާއާއި އޭނާގެ ދަރިފުޅެވެ.

ފުލުހުން ބުނީ އޭނާގެ އާއިލާއަށް މިއަދު ގުޅާފައިވާކަމާއި އޭނާއާއި ދަރިފުޅުގެ ހާލުވެސް ރަނގަޅުކަމަށް ބުނެފައިވާކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ. 

ފުލުހުން މީގެކުރިން ބުނެފައިވަނީ، އޭނާގެ ޚަބަރެއްނުވެ އާއިލާއަށް ގެއްލިފައިވާ ކަމަށް މެއި 29 ވަނަ ދުވަހު ރިޕޯޓުކޮށްފައިވާ ކަމަށާއި  އޭނާ ހޯދުމުގެ މަސައްކަތް ފުލުހުން ކުރަމުންދާ ކަމަށެވެ.

އަދި އޭނާ އެންމެ ފަހުން ފެނިފައިވަނީ މެއި 29 ވަނަ ދުވަހު ހެނދުނު، އޭނާ ދިރިއުޅޭ ހުޅުމާލެ، ހިޔާ 06-4-15 އިން ކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވާ ކަމަށް ފުލުހުން ބުނެއެވެ.

އަދި އިޙްސާނާ ގެއްލިފައިވަނީ އޭނާގެ، ދެ އަހަރުގެ އަންހެން ދަރިފުޅާއެކުގައި ކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށްވެސް ފުލުހުން ބުނެފައިވެއެވެ.