ދިވެހިރާއްޖޭގެ ދެކުނުން އޮންނަ ޚާއްސަ އިޤްތިޞާދީ ސަރަޙައްދުން ބައެއް ގަސްދުގައި ސަރުކާރުން ދޫކޮށްލާފައިވާކަމަށް ބުނެ، އެ ސަރަޙައްދު އަނބުރާ ހޯދުމުގެ މަސައްކަތް ކުރުމަށް ގިނަ ސިޔާސީ ޕާޓީތަކާއި، ސިޔާސީ ލީޑަރުންނާއި ޤާނޫނީ ފަންނުގައި ފުންނާބުއުސް އެތައް ބަޔަކު ވަނީ ގުޅިގެން ބިޔަ ބޮޑު މަސައްކަތެއް ފަށާފައެވެ.
މި މައްސައްކަތުގެ ތެރެއިން ރޭ ކާނިވާ ސަރަހައްދުގައި ވަނީ ބޮޑު މާސިންގާ ޖަލްސާއެއް ބާއްވާފައެވެ.
ސިޔާސީ ގޮތުން ޚިޔާލުތަފާތުވުން އޮތް ގިނަ ބަޔަކު، އެއްގަލަކަށް އަރާ، ކަނޑުން ގެއްލުނު ބައި ހޯދުމަށް ގޮވާލާ، ކާނިވާ ސަރަހައްދުގައި ރޭ ބޭއްވި ޖަލްސާގައި، މި ކަމުގައި އިސްކޮށް އުޅުއްވާ ހުރިހާ ފަރާތްތަކެއް ވަނީ ރައްޔިތުންނާއި މުޚާތަބުކުރައްވާ ވާހަކަދައްކަވާފަ އެވެ.
ރައްޔިތުންނާއި ސީދާ މުޚާތަބުކުރުމުގެ ފުރުސަތު ލިބިވަޑައިނުގަތީ ކުރީގެ ރައީސް އަބްދުالله ޔާމީން އަބްދުލްގައްޔޫމަށެވެ. އެމަނިކުފާނު މިވަގުތު ގެންދަވަނީ، މިދިޔަ ޑިސެމްބަރުމަހުގެ 25 ވަނަ ދުވަހު ކްރިމިނަލް ކޯޓުން ކުރި ޙުކުމެއް ތަންފީޒުކުރައްވަމުން ނެވެ.
އެހެން ނަމަވެސް، ޤައުމީ މި ބޮޑު މަސައްކަތުގައި އެމަނިކުފާނު ނެތްކަމުގެ ފަޅުކަން، ކަނޑުވިއްކާލުމާއި ދެކޮޅު އިއްތިހާދުން އިހުސާސް ކުރާކަން ޖަލްސާއިން ފެނިގެން ދިޔަ ބައެއް މަންޒަރުތަކުން ހާމަވެގެން ދިޔައެވެ.
ކާނިބާ ސަރަހައްދުގައި ބޭއްވި ޖަލްސާ
އެއްކަމަކީ ޖަލްސާގެ ގޮނޑި ބަރި އަތުރާލާފައިވާ ގޮތެވެ. ގިނަ ސިޔާސީ ޕާޓީތަކާއި، ވެރިކަމަށް ކުރިމަތިލައްވާފައި ތިބި ބައެއް ލީޑަރުން ވެސް ކަނޑުވިއްކާލުމާއި ދެކޮޅު ކޯލިޝަނުގައި އިސްކޮށް ތިއްބެވިއިރު، ރޭގެ ޖަލްސާގެ މެދުގޮނޑި ޚާއްސަކޮށްފައިވަނީ ރައީސް ޔާމިނަށެވެ.
އެމަނިކުފާނަށް ޖަލްސާގައި ބައިވެރިވެވަޑައި ނުގެންނެވުނު ނަމަވެސް، އެމަނިކުފާނަށް ޚާއްސަ ގޮނޑިކޮޅެއް ވަނީ ބަހައްޓަވާފައެވެ.
އަނެއްކޮޅުން ބޮޑު ޖަލްސާ ފެއްޓެވީ ރައީސް ޔާމީނުގެ ވަދާއީ ޚިތާބުންނެވެ.
ޤައުމުގެ މިނިވަންކަމާއި އިސްތިގުލާލު ހިމާޔަތްކުރުމަށް އެމަނިކުފާނުގެ ވަދާއީ ތަގުރީރުގައި ކުރެއްވި އިލްތިމާސްތަކުގެ ހަނދާންތައް އާކޮށްލުން ވެގެން ދިޔައީ ފުރި ބާރުވެފައިވާ ކާނިވާ އެކަށް ކައްކުވާލި ކަމަކަށެވެ.
ޖަލްސާގައި ރައީސް ޔާމީންގެ ވަދާއީ ތަގުރީރު
އެޖެންޑާގެ ފުރަތަމަ ނަންބަރު ރައީސް ޔާމިނަށް ޚާއްސަކުރުމަކީ ވެސް އިއްތިހާދުން އެމަނިކުފާނު މި މަސައްކަތުގައި އަމަލީ ސިފައެއްގައި ނެތްކަމުގެ ފަޅުކަން އިހުސާސްކުރާކަމުގެ ރަމްޒެކެވެ.
ރައީސް އަބްދުالله ޔާމީން އަބްދުލްގައްޔޫމު ގެންދަވަނީ ޖަލުގެ ތޭރިތަކުގެ ފަހަތުގައި ހުންނަވައިގެން ވެސް ފޯޅަވަހި މައްސަލައިގައި ސަރުކާރުން އަމަލުކޮށްފައިވާ ގޮތާއި ގުޅިގެން ކަންބޮޑުވުން ފާޅުކުރަމުން ނެވެ.
ފޯޅަވަހީގެ ސިޔާދަތު މޮރިޝަސްއަށް ލިބިގެންވާކަން ގަބޫލުކުރައްވާ ރައީސުލްޖުމްހޫރިއްޔާ ފޮނުއްވި ސިޓީފުޅަކީ ރައްޔިތުންނަށް ސިއްރުން ފޮނުވި ސިޓީފުޅެއްކަމަށާއި، އެ ނިންމުން ރައްޔިތުން ޤަބޫލުނުކުރާނެކަމަށް ކަނޑައަޅާ ރައީސް ޔާމީނުގެ އިރުޝާދާއެކު އިދިކޮޅުން ވަނީ ބައިނަލްއަގުވާމީ ކޯޓަށް ސިޓީއެއްވެސް ފޮނުވާފަ އެވެ.
އޭގެ އިތުރުން އިޓްލޮސްގައި ކުރިއަށް ދިޔަ މައްސަލަ ރާއްޖެއަށް ގެއްލުންވާގޮތަށް ނިމިއްޖެކަމަށް ވާނަމަ އެ ނިންމުން ބޮލާލާ ޖައްސަވާ، ދިވެހިންގެ މަސްލަހަތު ޙިމާޔަތްކުރައްވާނެކަމަށް ރައީސް ޔާމިން ވަނީ އިޓްލޮސް މައްސަލަ ނިމުމުގެ މާކުރިން ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
