‏ސަރުކާރާއި އެމްއެންޑީއެފް ޗީފް އަދި ޕޮލިސް ކަމިޝަނަރ "އަރިހުގައި ތިއްބަވާ ސިޔާސީ ވިންގުގެ ބޭފުޅުން" ރޭގެ ޖަލްސާއާއިމެދު ހާސްވުމުގެ ކުރީން އަމިއްލައަށް ޖަވާބު ހޯދުން މުހިންމު ސުވާލު ތަކެއް މާވަށު ދާއިރާގެ މެންބަރު މުހައްމަދު ސަޢީދު ކުރައްވައިފި އެވެ.

އިދިކޮޅު ގުޅިފައިވާ އިއްތިހާދުން ރޭ ބޭއްވި ރެލީ ފެށުމުގެ ކުރިން، ފުލުހުން ވަނީ އެ ޖަލްސާގައި ގާނޫނާއި ޚިލާފު ކަންކަން ހިންގުމަށް ރާވަމުންދާ ކަމަށްބުނެ މައުލޫމާތު ލިބޭ ކަމަށް ބުނެ އެފަދަ ކަމެއް ނުކުރުމަށް އިލްތިމާސް ކޮށްފައެވެ. އަދި ޖަލްސާގައި ހަމަ ނުޖެހުމެއް ހިނގާފައިވާނެ ކަމަށް ބަލައި ޖަލްސާ ކުރިއަށްދިޔަ ވަގުތުގައި ފުލުހުންނާއި ސިފައިންވެސް ވަނީ ފޯރިމަރާފައެވެ. 

އެކަމާއި ގުޅިގެން ސައީދު ކުރެއްވި ޓްވީޓެއްގައި ވަނީ އިދިކޮޅު އިއްތިހާދުގެ އެ ރެލީއާއި ގުޅިގެން ހާސްވުމުގެ އަމިއްލައަށް ޖަވާބު ހޯދުން މުހިންމު ސުވާލުތަކެއް ހުރި ކަމަށެވެ.

އެގޮތުން ސަޢީދު ފާހަގަކުރައްވާފައިވާ ސުވާލުތަކަކީ؛ 

1. ރާއްޖޭގެ ކަނޑުން ބައެއްގެއްލިއްޖެތޯ އާއި ގެއްލުނުނީ ކިހާސަރަހައްދެއްތޯ އާއި ގެއްލުނީ ދިވެހިރަާއްޖޭގެ ސަރަހައްދުން ބައެއްނޫންތޯ؟

2. މޮރިޝަސްގެ ސަރުކާރަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ސިޓީއެއް ފޮނުވިތޯ؟

3. ރާއްޖޭގެ ސަރަހައްދުން ބައެއް ގެއްލޭން މަގުފަހިވެ އަދި އެކަންކުރިޔަސް ދިވެހީން ރުހޭނެކަމަށް ބާރުލިބޭ އެސިޓީ މަޖިލީހާއި ރައްޔިތުންނަށް ސިއްރުކުރީ ކީއްވެތޯ؟

4. މަސްކަނޑުގެއްލުނީ މޮރިޝަސްއަށް ރޖ ފޮނުވިސިޓީގެ ކުރިންތޯ ނުވަތަ ފަހުންތޯ؟

5. މޮރިޝަސް އާއި ރާއްޖެ ހިއްސާކުރާ ބޯޑަރެއް އޮވޭތޯ؟

6. އައްޑޫގެ ދެކުނަށް އޮއްނަ ފޯޅަވައްސަކީ ކޮންްބައެއްގެ ތަނެއްކަން ނިއްމާފައި މިނިވަން މުސްތަޤިއްލު ދައްލަތެއްގެ ދަރަޖަ ލިބި އ.ދ އިން ބައިނަލްއަޤްވާމީ ޤާނޫނުތަކާއި އެއްގޮތަށް ބަލައިގަންފަވޭތޯ އާއި އެކަން ނުވާއިރު މޮރިޝަސްއަށް ރާއްޖޭގެ ސަރަހައްދެއް ދޭންޖެހޭ ސަބަބަކީ ކޮބައިތޯ؟

7. ދާއަޅައިގެން މަސްހިފަނީ ދިވެހިންތޯ؟ ނުވަތަ މޮރިޝަސްތޯ؟

8. މިއީ ގެއްލުމެއްތޯ ނޫނީބމިކަމުން ދިވެހިންނަށް ވާނީ ފައިދާތޯ؟

9. ދިވެހިން 45،000 އަކަ ކިލޯމީޓަރު ނުވަތަ ސްވިޓްޒަލޭންޑް ވަރުގެ ސަރަހައްދެއް ކަނޑުންދޫކޮއްލަން ބޭނުންނަމަ، އިންޓަނޭޝަނަލް ބިޑިންއެއްގައި ދާއެޅުމުގެ ހުއްދައާއި އެކު އެސަރަހައްދު ވިއްކާލިނަމަ ރާއްޖޭގައި މިހާރުއޮތް ބިޔަ ދަރަނި އަރަންޏަށްވެ އަދި ބިލިއަނުން ޑޮލަރުގެ ރިޒާވެއް ޖަމާނުކުރެވޭނެތޯ؟

އެ ސުވާލު ތަކާއި އެކު ސައީދު ވިދާޅުވީ އެފަދަ ޖަވާބު ހޯދަންޖެހޭ އެތައް ސުވާލެއް ހުރިއިރު އެ ވާހަކަދައްކާ އިހުތިޖާޖު ގޯސް ވާނަމަ، ފުލުހުންނާއި ސިފައިންގެ ޤާނޫނީ ހުވާގައި ބުނާއެއްޗެއް އަމިއްލައަށް އަދި އެއްފަހަރު ކިޔާލަންޖެހޭ ކަމަށެވެ. 

އަދި އެ މައްސަލަ އާއި ގުޅިވައި ހަމަނުޖެހުންތަކެއް ހިންގަން ރައްޔިތުން ނޫޅޭ ކަމަށްވެސް އޭނާ ވިދާޅުވި އެވެ.