މާލޭގައި މިވަގުތު އެންމެ ހެޔޮ އަގުގައި ފިނިކުރި މުދާ ވިއްކަމުންދާ ހެޔޮ ފިހާރައިން ވިއްކާ މުދަލާއެކު ކޮތަޅު ހިލޭ ދިނުމަށް އެ ފިހާރައިން ނިންމައިފިއެވެ.

ހެޔޮ ފިހާރައިގެ ސޭލްސް އެންޑް މާރކެޓިން މެނޭޖަރ އައިޝަތު އާމާލް ވިދާޅުވީ، ކަސްޓަމަރުންގެ އަތުން އިތުރު ފައިސާއެއް ނަގަން ބޭނުން ނުވާތީ، ފިހާރައިން ގަންނަ މުދަލާއެކު ހިލޭ ކޮތަޅު ދިނުމަށް ނިންމާފައިވާ ކަމަށެވެ.

މީގެ އިތުރުން ފިހާރައިން ރީޓެއިލްކޮށް ވިއްކާ ބައެއް ބާވަތުގެ މުދަލުގެ އަގު އަނެއްކާވެސް ހެޔޮކޮށްފައި ވާކަމަށް އާމާލް ވިދާޅުވިއެވެ.

މި ޖަނަވަރީ މަހުގައި މުދަލާއި ޚިދުމަތުގެ އަގުން ނަގާ ޓެކްސް ބޮޑު ކުރެވިފައިވީ ނަމަވެސް، އެކަމާ ގުޅިގެން ހެޔޮ ފިހާރައިގެ މުދަލުގެ އަގުތަށް ބޮޑުކޮށްފައެއް ނުވެއެވެ. އޭގެ ބަދަލުގައި މުދަލުގެ އަގުތައް ވަނީ އޭރުވެސް ކުޑަކޮށްފައެވެ.

އާމާލް ވިދާޅުވީ، އެ ކުންފުނިން ވިއްކާ ހުރިހާ ބާވަތެއްގެ ފިނިކުރި އެއްޗެހި ހެޔޮ އަގެއްގައި ކަސްޓަމަރުންނަށް ފޯރުކޮށްދިނުމަށް އަބަދު ވެސް މަސައްކަތް ކުރަމުން ދާކަމަށެވެ. 

ވަކިން ޚާއްސަކޮށް، ބޯންލެސް ޗިކަން އެތައް ގުނައެއް އަގުހެޔޮ ވެފައިވާއިރު، މިއީ މާލޭގައި މިވަގުތު އެންމެ ހެޔޮ އަގުގައި ބޯންލެސް ލިބެން ހުންނާނެ އަގު ކަން އާމާލް ފާހަގަކުރެއްވިއެވެ. 

އާމާލް އިތުރަށް ވިދާޅުވީ ފިނިކުރި ކުކުޅާއި، ކުކުޅުގެ ބައިތަކުގެ އިތުރުން ފިނި ކުރި އެހެން ބާވަތްތައް އަގުހެޔޮކޮން އެ ފިހާރައިން ލިބޭނެ ކަމަށެވެ. އަދި ވިދާޅުވީ އަބުދުވެސް ހާއްސަ ސަމާލުކަމެއް ދީގެން ރީޓެއިލްކޮށް ކުކުޅު ގަންނަ ކަސްޓަމަރުންނަށް ހެޔޮ އަގެއްގައި، ފިނި ކުރި ސާމާނު ފޯރުކޮށްދިނުންމަކީ އެ ފިހާރަގެ އަމާޒެއް ކަމަށެވެ.

ހެޔޮ އިންވެސްޓުމަންޓުގެ ދަށުން ހިންގާ ހެޔޮ ފިހާރަ އަދި ހެޔޮފިހާރަ 2 ކުން ލިބެން ހުރި ބާވަތްތަކުގެ ތެރޭގައި ޗިކަން ތައި، ޗިކަން ވިންގްސް، ކޮށި ކުކުޅު، ޗިކަން ފިންގާސް، ޗިކަން ބާގަރ، ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ، މޮޒަރެއްލާ ޗީޒް، ގްރީން ޕީސް، ސްވީޓް ކޯން ފަދަ ބާވަތްތައް ހިމެނެއެވެ. 

ހެޔޮ ފިހާރަ އިން ހޯލްސޭލްކޮށް އަދި ރިޓެއިލްކޮށް މުދާ ލިބިވަޑައިގަންނަވާނެއެވެ. އަދި ބޯޓު ފެރީ މެދުވެރިކޮށް ރާއްޖޭގެ ކޮންމެ ހިސާބަކަށްވެސް އެ ފިހާރައިން މުދާ ޑެލިވަރީކޮށްދޭނެއެވެ. އޭގެ އިތުރުން މާލޭގެ ކެފޭ އަދި ރެސްޓޯރެންޓުތަކުންވެސް އޯޑަރުކޮށްލުމުން މުދާ ޑެލިވަރީކޮށްދޭނެއެވެ.

ހެޔޮ ފިހާރައިން ލިބެން ހުންނަ ބާވަތްތައް އެ ފިހާރައިގެ ވެބްސައިޓު heyofihaara.com އަދި ފޭސްބުކު ޕޭޖު މެދުވެރިކޮށް ބަލާލެވެން ހުންނާނެއެވެ. 

ބޭނުންފުޅުވާއެއްޗެއް ބައްލަވައިގަތުމަށް ފިހާރައަށްވެސް ވަޑައިގެންނެވޭނެއެވެ. އަދި ހެޔޮ ފިހާރައިގެ ނަންބަރ 9639444 ނުވަތަ ހެޔޮ ފިހާރަ 2 ނަންބަރ 9305811 އަށް ގުޅުއްވައިގެން ނުވަތަ ވައިބަރ މެދުވެރިކޮށްވެސް އޯޑަރު ދެއްވޭނެއެވެ.