ކުރިއަށް އޮތް ރިޔާސީ އިންތިޚާބުގައި ޖުމްހޫރީ ޕާޓީގެ ރިޔާސީ ޓިކެޓު ޕާޓީގެ ލީޑަރު އަދި ޕާޓީގެ ރިޔާސީ ކެންޑިޑޭޓު ޤާސިމް އިބްރާހިމަށް ހަވާލުކޮށްފި އެވެ.
ޤާސިމަށް ރިޔާސީ ޓިކެޓު ހަވާލުކޮށްފައިވަނީ އެކަމަށްޓަކައި މިރޭ ކާނިވާ ސަރަހައްދުގައި ބޭއްވި ޚާއްސަ ހަފްލާއެއްގަ އެވެ.
ޤާސިމަށް ރިޔާސީ ޓިކެޓު ހަވާލުކޮށްފައިވަނީ ޒުވާނުންނާއި، ދޮށީ އުމުރުގެ މީހުންނާއި އަންހެނުންނާއި އެކި އުމުރުފުރާގެ މީހުން ތަމްސީލުވާނެ ހެން އެއްބައެއްގެ އަތުން އަތެއް ބައެއް އަތްމަތިން ޕާޓީގެ ސެކެޓްރީ ޖެނެރަލް އަލީ އާރިފްގެ އަތްޕުޅަށް އަރުގައިގެންނެވެ.
ޤާސިމާއި ރިޔާސީ ޓިކެޓު ހަވާލުކުރެއްވީ ޕާޓީގެ ސެކެޓްރީ ޖެނެރަލް އާރިފެވެ.
އެއާއެކު ޤާސިމް ވަނީ ރައްޔިތުންގެ އުންމީދުތަކުގައި ކުލަ ޖައްސާދިނުމަށް ރިޔާސީ އިންތިޚާބުގައި ޖޭޕީ ތަމްސީލުކުރެއްވުމަށް ޕާޓީން އެރުވި ރިޔާސީ ޓިކެޓު ޤަބޫލުފުޅު ކުރައްވާފަ އެވެ. އަދި އެ މަސައްކަތް ކުރުމަށް އޭނާ ތައްޔާރަށް ހުންނެވިކަމަށް ޓިކެޓު ޤަބޫލުފުޅު ކުރައްވަމުން ޤާސިމް ވިދާޅުވި އެވެ.
ޤާސިމަށް ރިޔާސީ ޓިކެޓު ހަވާލުކުރުމަށް ބޭއްވި ރަސްމިއްޔާތުގައި ގިނަ އަދަދެއްގެ ބަޔަކު ވަނީ ބައިވެރިވެފައެވެ.
މި ޖަލްސާގައި، ރިޔާސީ އިންތިޚާބުގައި ޖޭޕީން ގެންގުޅޭނެ ސްލޯގަންއާއި ރަސްމީ ލަވަ ވެސް ވަނީ ލޯންޗުކޮށްފަ އެވެ. އަދި މި ޖަލްސާގައި ޤާސިމްގެ ގައުމީ ޚިދުމަތާއި ގުޅޭ ޕްރޮފައިލް ރިޕޯޓެއް ވެސް ވަނީ ހުށައަޅާފަ އެވެ.
Advertisement
This content is created and paid for by advertisers and does not involve Voice Journalists
