މަސްވެރިންގެ ދަތިތައް ހައްލުކޮށްދެވޭނީ ސީދާ މަސްވެރިންގެ ގާތުން ހާލު އަހައިގެން ކަމަށް މާމިގިލީ ދާއިރާގެ މެމްބަރު އަދި ޖުމްހޫރީ ޕާޓީގެ ލީޑަރ ޤާސިމް އިބްރާހިމް ވިދާޅުވެއްޖެއެވެ.

ޤާސިމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

‏"ދިވެހި މަސްވެރިންނަށް ދިމާވެފައިވާ އެކިދަތިތަށް ހައްލު ކުރުމުގައި ފާއިތުވި ހުރިހާ ސަރުކާރުތަކުންވެސްް ވަނީ އެކި މިންވަރަށް އިހްމާލުވެފަ، އެކަންކަމަށް ހައްލުގެނެވޭނީ، މަސްވެރިންނާއި ގާތުން މަސައްކަތްކޮށް، މަސްވެރިންގެ ހާލަތު ސީދާ މަސްވެރިންގެ ފަރާތުން އަޑުއަހައިގެން" ޤާސިމްގެ ޓްވީޓުގައި ވެއެވެ.

Advertisement

މިއަހަރު ސެޕްޓެމްބަރު މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ޖުމްހޫރީ ޕާޓީގެ ފަރާތުން ޤާސިމް ވާދަކުރުމަށް މިހާރުަވަނީ ހަމަޖެހިފައެވެ.

ރިޔާސީ އިންތިޚާބާއި ގުޅިގެން އެކި ދާއިރާތަކާއި ގުޅޭ އެކި ވަޢުދުތައް ކޮންމެ ކެނޑިޑޭޓަކުވެސް ރައްޔިތުންނާއި ހަމައަށް ގެނެއެވެ.

މިހާރުގެ ސަރުކާރުންވެސް ވެރިކަމަށް  އައުމަށް ކެމްޕޭނު ކުރިއިރު މަސްވެރިންނަށް ގިނަ ވަޢުދުތަކެއް ވެފައި ވާއިރު، އެކަންކަން ކުރެވިފައި ނުވާކަމަށް ބުނެ އިދިކޮޅުން އަންނަނީ ބުނަމުންނެވެ.