އަރބަންކޯއިން ވިޔަފާރިވެރިންނަށް ހާއްސަ އޯޕަންޑޭއެއް "އަރބަންކޯ ފޯ ބިޒްނަސް" ގެ ނަމުގައި ބޭއްވުމަށް ހަމަ ޖައްސާފިއެވެ.
އެގޮތުން އަރބަންކޯ ފޯ ބިޒްނަސް އޯޕަންޑޭ ބޭއްވުމަށް ހަމަޖެހިފައި ވަނީ އަރބަންކޯ އެގްޒިބިޝަން ސެންޓަރުގައި މާދަމާގެ ހެނދުނު 10:00 ކުން ފެށިގެން ރޭގަނޑު 20:00 އަށެވެ.
މި ދުވަހާއި ބެހޭގޮތުން އަރބަންކޯއިން ނެރުން ނޫސް ބަޔާނުގައި ބުނެފައިވަނީ މި އޯޕަންޑޭގެ އެންމެ ބޮޑު އެއް ބޭނުމަކީ އެ ކޯޕަރޭޝަންގެ ފަރާތުން ވިޔަފާރިތަކަށް ހުރި ފުރުސަތުތައް ދައްކާލުމާއި، އިންވެސްޓަރުން ނުވަތަ ވިޔަފާރިވެރިންނަށް ފަސޭހަކަމާއި އެކު މި ފުރުސަތުތަކަށް ކުރިމަތިލިމުގެ މަގު ފަހި ކޮށްދިނުން ކަމަށެވެ.
އެގޮތުން، މިފަހަރުގެ އޯޕަންޑޭގައި ހުޅުމާލޭގައި އޮފީސް އިމާރާތް ޤާއިމު ކުރުމަށް ހުރި ފުރުސަތުތަކާއި ތިލަފުށި ފޭސް 2 އިން ބިން ގަތުމަށް ހުރި ފުރުސަތުތަކަށް ހާއްސަކަމެއް ދެވިގެން ދާނެ ކަމަށް އަރބަންކޯއިން ވަނީ ބުނެފައެވެ.
މިއާއިއެކު އަރބަންކޯގެ ބިޒްނަސް ޑިވެލޮޕްމަންޓް ޓީމުން، ވިޔަފާރިވެރިންނަށް ހުރި ފުރުސަތުތައް ކިޔާދިނުމާއި، ޕޯޓަލް ބޭނުން ކޮށްގެން މި ޕްރޮޖެކްޓްތަކާއި، ބިން ގަތުމަށް ބޭނުންވާ ފަރާތްތަކަށް ބިޑް ހުށަހެޅުމަށް އެހީތެރިކަން ފޯރުކޮށްދެވިގެން ދާނެ ކަމަށްވެސް އެ ކޯޕަރޭޝަނުން މައުލޫމާތު ދެއެވެ.
އަރބަންކޯއިން އިތުރަށް ބުނެފައިވަނީ އެ ކޯޕަރޭޝަންގެ އަމާޒަކީ ވިޔަފާރިތަކަށް ލުއި ގޮތްތަކެއް ހޯދައިދީ، ވިހާވެސް ގާތުން މަސައްކަތް ކުރުން ކަމަށެވެ.
Advertisement
This content is created and paid for by advertisers and does not involve Voice Journalists
