އައިޖީއެމްއެޗް ކައިރީގައި ހުންނަ ބީއެމްއެލްގެ އޭޓީއެމް ސެންޓަރުގެ ތެރޭގައި ހުރި އޭޓީއެމް މެޝިންއެއް ފަޅާލައިފިއެވެ.

މިކަމާއި ގުޅިގެން 'ވޮއިސް' އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލަކު ވިދާޅުވީ ބީއެމްއެލްގެ އޭޓީއެމް މެޝިންތަކުގެ ތެރެއިން 1 މެޝިނަށް ގެއްލުންދީފައިވާ މައްސަލަ ފަތިހު 05:11 ކަންހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.

މިއާއިއެކު މި މައްސަލަ ފުލުހުން ދަނީ ތަހްގީގު ކުރަމުން ކަމަށް ވެސް މީޑިއާ އޮފިޝަލު ވިދާޅުވިއެވެ.

'ވޮއިސްް' އަށް މައުލޫމާތު ލިބިފައިވާ ގޮތުގައި ބީއެމްއެލްގެ އޭޓީއެމް ސެންޓަރުގައި ހުންނަ 3 މެޝިންގެ ތެރެއިން ގެއްލުން ދީފައިވަނީ މެދުގައި ހުރި އޭޓީއެމްއަށެވެ.