ސްޓެލްކޯއިން ގާއިމްކޮށްފައިވާ ވަގުތީ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތް ނިންމާ ހިޔާ ޓަވަރު 1 ކުން 8 ކަށް ކަރަންޓު ދީފައިވާނެ ކަމަށް ސްޓެލްކޯއިން ބުނެފިއެވެ.

ސްޓެލްކޯއިން ވަނީ ހުޅުމާލޭގެ ދެވަނަ ފިޔަވަހީގެ ދާއިމީ ކަރަންޓު ޑިސްޓްރިބިއުޝަން ނެޓްވޯކްގެ މަސައްކަތް ނިމިފައިނުވާތީ، ދެވަނަ ފިޔަވަހީގައި އަލަށް ކުރަމުންދާ އިމާރާތްތަކަށް ކަރަންޓު ފޯރުކޮށްދިނުމަށްޓަކައި ކުރާ މަސައްކަތަށް ހިޔާ ޓަވަރު ތަކުން ކަރަންޓު ކެނޑިދާނެ ކަމަށް ބުނެފައެވެ.

އެގޮތުން މިއަދު ކަރަންޓު ކެނޑުން އެކަށީގެންވަނީ ހިޔާ ޓަވަރު 1 އިން 8 އަށް ހެނދުނު 10:00 އިން 12:00 އަށް އަދި ޓަވަރު 9 އިން 16 އަށް މެންދުރުފަހު 14:00 އިން 15:00 އަށް ކަމަށް ސްޓެލްކޯއިން ވަނީ ބުނެފައެވެ.

މި މަސައްކަތުގެ ތެރެއިން އެ ކުންފުނިން ވަނީ 11 ޖެހިއިރުންސުރެ ބައި ގަޑިއިރެއްހާއިރު ވަންދެން ހިޔާ ޓަވަރު 1 ކުން 8 ކަށް ކަރަންޓު މެދު ކަނޑާލުމަށްފަހު، އަޕްގްރޭޑް ކުރުމުގެ މަސައްކަތް ނިންމާ، މިހާރު އެ ޓަވަރުތަކަށް އަލުން ކަރަންޓު ދީފައެވެ.

މިއާއިއެކު ކަސްޓަމަރުންނަށް ދިމާވި ދަތިތަކަށް އެ ކުންފުނިން ވަނީ މާފަށް އެދިފައެވެ.