މިދިޔަ ޖޫން މަހުވެސް ފުލުހުންނަށް އެންމެ ގިނައިން ރިޕޯޓް ކޮށްފައިވާ މައްސަލައަކީ ވައްކަމުގެ މައްސަލަތައް ކަމަށް ފުލުހުންގެ ތަފާސް ހިސާބު ތަކުން ދައްކާފިއެވެ.
އެގޮތުން ކޮންމެ މަހަކު ފުލުހުން އާންމުކުރާ ތަފާސްހިސާބުތަކުން ދައްކާ ގޮތުގައި މިދިޔަ ޖޫން މަހު ޖުމްލަ 746 މައްސަލަ ހުށަހަޅާފައިވެއެވެ.
މީގެ ތެރެއިން އެންމެ ގިނައިން ހުށަހަޅާފައިވަނީ ވައްކަމުގެ މައްސަލައެވެ. މިކަމުގެ 172 މައްސަލައެއް މިދިޔަ މަހު ވަނީ ހުށަހަޅާފައެވެ.
ދެވަނަ އަށް އެންމެ ގިނައިން ހުށަހަޅާފައިވަނީ ޓްރެފިކް އެކްސިޑެންޓްގެ މައްސަލަތަކެވެ. އެގޮތުން 140 މައްސަލައެއް ފުލުހުންނަށް ހުށަހަޅާފައިވެއެވެ.
ޖޫން މަހުވެސް އެންމެ ގިނައީ ވައްކަމުގެ މައްސަލަތައް ކަމުގައިވީ ނަމަވެސް މެއި މަހާއި އަޅާބަލާއިރު ވައްކަމުގެ މައްސަލަތަކުގެ އަދަދު ވަނީ ދަށަށް ގޮސްފައެވެ. އެގޮތުން މެއި މަހު 221 ވައްކަމުގެ މައްސަލަ ފުލުހުންނަށް ހުށަހަޅާފައިވެއެވެ.
މީގެ އިތުރުން ބައެއް މައްސަލަތައް:
- މަސްތުވާތަކެތީގެ 117 މައްސަލަ
- ގެއްލިފައިވާ ތަކެތީގެ 116 މައްސަލަ
- މަކަރާއި ހީލަތުގެ 55 މައްސަލަ
- އަނިޔާ ކުރުމުގެ 45 މައްސަލަ
- ފޭރުމުގެ 21 މައްސަލަ
- ޖިންސީ ގޯނާ ކުރުމުގެ 20 މައްސަލަ
- ގެވެށި އަނިޔާގެ 11 މައްސަލަ
- ފޯޖް ކުރުމުގެ 9 މައްސަލަ
-ތަނަކަށް ގެއްލުން ދިނުމުގެ 39 މައްސަލަ
ފުލުހުންގެ ތަފާސްހިސާބު
ޖުމްލަ ގޮތެއްގައި ހުރިހާ އަހަރުގެ މިހާތަނަށް ބަލާއިރު ކޮންމެ މހަކުވެސް އެންމެ ގިނައިން ރިޕޯޓް ކޮށްފައިވަނީ ވައްކަމުގެ މައްސަލަތަކެވެ. ދެން އެންމެ ގިނައިން ރިޕޯޓް ކޮށްފައިވަނީ އެކްސިޑެންޓްތަކުގެ މައްސަލަތަކާއި މަސްތުވާތަކެތީގެ މައްސަލަތަކެވެ.
Advertisement
This content is created and paid for by advertisers and does not involve Voice Journalists
