ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަކީ އެމްއެމްޕީއާރުސީގެ ފައިސާގައި ޖެހޭ ވަރަށްވުރެ މާ ތަނަވަސް ބޭފުޅެއް ކަމަށް އެމަނިކުފާނުގެ ސަރުކާރުގެ ފުރަތަމަ ޓޫރިޒަމް މިނިސްޓަރު އަލީ ވަހީދު ބުނެފިއެވެ.
ޓޫރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާކުރުމާއި ޖިންސީ އަނިޔާ ދިނުމާއި ރޭޕްކުރަން އުޅުމާއި ބޭއަދަބީ ގޮތުގައި ޖިންސީ ގުނަވަން ހާމަކުރުމާއި ހުއްދަ ނޫން ޖިންސީ މުއާމަލާތެއް ހިންގުމުގެ ދައުވާ އުފުލާފައިވަނިކޮށް، ބޭސްފަރުވާއަށް ކަމަށް ބުނެ ރާއްޖެއިން ބޭރަށް ދިޔުމަށްފަހު، އެ ދައުވާ އަނބުރާ ގެންދިޔުމުން މިއަދު އަލީ ވަހީދު ވަނީ އެނބުރި ރާއްޖެ އައިސްފައެވެ.
އެއަށްފަހު ބޭއްވި ނޫސްވެރިންގެ ބައްދަލުވުމައި ނޫސްވެރިއަކު ވަނީ، އޭނާ ކުރިން ރާއްޖެއިން ބޭރުގައި ހުރެގެން ރައީސް ޞާލިހު އެމްއެމްޕީއާރުސީގެ ފައިސާ ނެގި ކަމަށް ކުރި ތުހުމަތު ތަކާއި ގުޅިގެން ސުވާލު ކޮށްފައެވެ.
އެ ސުވާލުގެ ޖަވާބު ދެމުން އޭނާ ވަނީ، އޭރު އޭނާ ކުރި ތުހުމަތު ތަކަކީ ހަމައެކަނި "ސްމޯކް ސްކްރީން" އެއް ކަމަށް ބުނެފައެވެ. އަދި އެފަދައިން ބުނެފައިވަނީ އޭނާއަށް ކުރެވުނު ދައުވާ ތައް ކުރުމުގެ އަޑީގައި ތިބި ބައެއް ހޯދުމަށް ކަމަށާ، އެހެން އެކަން ކުރުމުން އެ ދައުވާ ތަކުގެ އަޑީގައި ތިބި މީހުން ސާފުވެގެން ގޮސްފައިވާ ކަމަށްވެސް އޭނާ ބުންޏެވެ.
އަޅުގަނޑު އެ ދުވަހު އެ ނޫސް ކޮންފަރެންސް ބޭނުން ކުރީ ސްމޯކް ސްކްރީން އަކަށް. ރައީސް އިބްރާހިމް މުހައްމަދު ޞާލިހަށް އަޅުގަނޑު އެ ލަފްޒު އަމާޒު ކޮށްލީ ސްމޯކް ސްކްރީން އަކަށް. ސަބަބަކީ އަޅުގަނޑުމެން އެންމެންވެސް އެމްޑީޕީގައި އުޅެފިން. އެމްޑީޕީ އަޅުގަނޑުމެން އެންމެނަށްވެސް އެނގޭ. އަޅުގަނޑު އެމްޑީޕީގެ ޗެއާޕާސަން ކަންވެސް ކުރިން. ރައީސް ޞާލިހު އެއީ އެމްޑީޕީގެ ޕީޖީ ލީޑަރު. ރައީސް ނަޝީދަކީ ޕާޓީގެ ރައީސް. މިހަމަލާ އައީ އެތެރެއިންނޭ. އަޅުގަނޑު އެ ދުވަހުގެ ފަހުން، ޔަގީން ކަށަވަރުވާވަރަށް ޔަގީން ކުރެވުނު ހަމަލާ އައީ ކޮން ދިމާލަކުން ކަން.
އަލީ ވަހީދު
މިއާއެކު ނޫސްވެރިއެއް ވަނީ ރައީސް ޞާލިހަށް ކުރި ތުހުމަތު ތަކަކީ ތެދު ތޯ އޭނާ އާއި ސުވާލު ކޮށްފައެވެ.
"ނޫން ނޫން ނޫން. މިދެންނެވީ އެއްނު ސްމޯކް ސްކްރީން އެކޭ. އަޅުގަނޑު ފަހަތުގައި ވިއްދާފައި ހުރީ ކޮން ހިޔަމައެއްތޯ ޔަގީން ކުރަން. ހަނގުރާމައިގެ މައިދާނުގައި ނަސްރު ހޯދުމަށް ކުރަންޖެހޭ ކޮންމެ ކަމެއް ކުރަން ދީނުގައިވެސް އޮވޭ. ރައީސް އިބްރާހިމް މުހައްމަދު ޞާލިހު 35 މިލިއަން ނަގާކަށް ނުޖެހޭނެ. އެއަށްވުރެ މާ ލިބޭ ބޭފުޅެއް އެއީ."
އަލީ ވަހީދު
ރައީސް ޞާލިހު އެމްއެމްޕީއާރުސީގެ ފައިސާ ގައި ޖެހުނުކަމަށް ބުނި ވާހަކަ އަލީ ވަހީދު މިހާރު ދޮގު ކުރި ނަމަވެސް، އެމްއެމްޕީއާރްސީގެ ހިޔާނާތުގެ ފައިސާ އިން 35 މިލިއަން ރުފިޔާ އަދީބުގެ އަތުން ރައީސް ޞާލިހު ނެންގެވިކަމަށް އަލީ ވަހީދު ވަނީ ކުރިން ބުނެފަ އެވެ.
Advertisement
This content is created and paid for by advertisers and does not involve Voice Journalists
