ކުރިއަށް އޮތް ރިޔާސީ އިންތިޚާބަށް ޖުމްހޫރީ ޕާޓީގެ ރިޔާސީ ކެމްޕޭނަށް ކ ހިންމަފުއްޓަށާއި ހުރައަށް ދަތުރެއް ކޮށްފިއެވެ.
ހިންމަފުއްޓާއި ހުރައަށް ޒިޔާރަތްކުރި މި ޓީމުގައި އިސްކޮށް ތިއްބެވީ ޖޭޕީގެ ނައިބް ލީޑަރު އަމީން އިބްރާހިމާއި، ޤާސިމްގެ ތަރުޖަމާން އަމީނެވެ.
މި ދަތުރުފުޅުގައި ޖޭޕީގެ ޓީމުން ވަނީ އެދެރަށުގެ ކެމްޕޭނު ޓީމުތަކާއި ބައްދަލުކުރައްވައި ކެމްޕޭނުގެ ހަރަކާތްތައް ކުރިއަށްގެންދާނެ ގޮތާއި މެދު މަޝްވަރާކުރައްވައިފައެވެ.
އިންތިޚާބުގެ ކެމްޕޭނުގައި ލ އަތޮޅާއި މާލެ ސިޓީގައިވެސް ޖޭޕީގެ ކެމްޕޭނު ޓީމުތަކުން އަންނަނީ ހަރަކާތްތެރިވަމުންނެވެ.
ރިޔާސީ އިންތިޚާބުގެ ކެމްޕޭނު ދަތުރުތައް ޖޭޕީގެ ލީޑާރ ޤާސިމް އިބްރާހިމް އަދި ފައްޓާފައި ނުވިޔަސް އެޕާޓީގެ ކެމްޕޭނު ޓީމުތަކުން އަންނަނީ ކެމްޕޭނުގެ ހަރަކާތްތައް ކުރިއަށްގެންދަމުންނެވެ.
އެގޮތުން ޖޭޕީގެ ނައިބް ލީޑަރު އަމީން އިބްރާހިމާއި، ޤާސިމްގެ ތަރުޖަމާން އަމީންގެ ޓީމުން ވަނީ ދާދިފަހުން ބ އަތޮޅުގެ ހުރިހާ ރަށަކަށް ކެމްޕޭނު ދަތުރެއް ކުރައްވައިފައެވެ.
ސެޕްޓްމްބަރ 9 ވަނަ ދުވަހު ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު ޕާޓީތަކުން އަންނަނީ އެޕާޓީތަކުގެ ރިޔާސީ ކެނޑިޑޭޓުންނަށް ކެމްޕޭނު ކުރަމުންނެވެ.
Advertisement
This content is created and paid for by advertisers and does not involve Voice Journalists
