ރައީސް އިބްރާހިމް މުޙައްމަދު ޞާލިޚް މ ނާލާފުއްޓަށް ވަޑައިގެންފިއެވެ.

ރައީސް ޞާލިޙް ނާލާފުއްޓަށް މިކުރައްވާ މި ޒިޔާރަތަކީ ކުރިއަށް އޮތް ރިޔާސީ އިންތިޚާބަށް ކެމްޕޭނު ކުރުމަށް ރަށްރަށަށް ކުރައްވަމުން ގެންދަވާ ދަތުރުފުޅުތަކުގެ ތެރެއިން ދަތުރެކެވެ.

ރައީސް ޞާލިޙް މިކުރައްވާ ކެމްޕޭނު ދަތުރުފުޅުގައި މިއަދު އެންމެ ފުރަތަމަ ވަޑައިގަންނަވާފައިވަނީ މ ކޮޅުފުއްޓަށެވެ. 

ކޮޅުފުއްޓަށް ވަޑައިގެން އެރަށުގައި ނިމިފައިހުރި ތަރައްޤީގެ މަޝްރޫޢުތައް ރައީސް ވަނީ އިފްތިތާޙްކޮށްދެއްވައިފައެވެ.

3 ދުވަހުގެ މި ދަތުރުޅުގައި ރައީސް މ އަތޮޅުގެ ކޮޅުފުށި، ނާލާފުށި، މުލި  އަދި މުލަކަށް ވަޑައިގަތުމަށް ހަމަޖެހިފައިވެއެވެ.

މ އަތޮޅުގެ ދަތުރަށްފަހު ދެން ރައީސް ވަޑައިގަންނަވާނީ ވ އަތޮޅަށެވެ.
ވ. އަތޮޅަށް ރައީސް ކުރައްވާ ދަތުރުފުޅުގައި ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގަތުމަށް ވަނީ ހަމަޖެހިފަ އެވެ.

ރައީސް އިންތިޚާބުގެ ކެމްޕޭންގައި ރައީސް ޞާލިޙް މިދިޔަ ހަފްތާގައި ވަނީ ށ. އަދި ކ. އަތޮޅުގެ ބައެއް ރަށްރަށަށް ވަޑައިގެންފަ އެވެ.