ރައީސް އިބްރާހިމް މުޙައްމަދު ޞާލިޙް މ ރަތްމަންދޫއަށް ވަޑައިގެންފިއެވެ.
ރައީސް މ އަށާއި ވ އަށް މިކުރައްވާ ދަތުރުފުޅުގައި އިއްޔެ ވަނީ މ ކޮޅުފުށި ނާލާފުށި، މުލި، އަދި މުލަކަށް ވަޑައިގެންފައެވެ.
އެރަށް ރަށަށް ވަޑައިގެން އެރަށްރަށުގެ ރައްޔިތުންނާއި ބައްދަލުކުރައްވައި ކުރިއަށް އޮތް ދައުރުގައި ކޮންމެ ރަށެއްގައި ކުރައްވަން ކަނޑައަޅުއްވައިފައިވާ ކަންކަން ވަނީ ވިދާޅުވެދެއްވައިފައެވެ.
މީގެ އިތުރުން އެރަށްރަށުގައި ނިމިފައިހުރި ތަރައްޤީގެ މަޝްރޫޢޫތައް ވަނީ އިފްތިތާޙް ކޮށްދެއްވަވާފައެވެ.
އެގޮތުން ކޮޅުފުށީ ފެނުގެ ނިޒާމް އިފްތިތާޙް ކޮށްދެއްވައިފައެވެ. އަދި އެރަށު ގޮނޑުދޮށް ހިމާޔަތްކުރުމުގެ މަސައްކަތް ނިމުންވެސް ވަނީ ފާހަގަ ކުރައްވައިފައެވެ.
މީގެ އިތުރުން މ. އަތޮޅު މަދަރުސާގެ މަލްޓި ޕާޕޯސް ހޯލާއި އާ އަށް ކްލާސް ރޫމްގެ އިމާރާތް ހުޅުއްވައިދެއްވައިފައިވެއެވެ.
ނާލާފުއްޓަށް ވަޑައިގެން އެރަށު ފެނަކަ އިންޖީނުގެ ހުޅުވައިދެއްވައިފައިވެއެވެ. މުއްޔަށް ވަޑައިގެން އެރަށު ގައި ގާއިމް ކޮށްފައިވާ ފެނުގެ ނިޒާމްގެ ޢަމަލީ މަސައްކަތުގެ ނިމުން ފާހަގަ ކޮށްދެއްވައިފައިވެސް ވެއެވެ. އަދި މުލަކަށް ވަޑައިގެން އެރަށު ހެލްތް ސެންޓަރުގެ އެކްސްޓެންޝަން ހުޅުވައިދެއްވައިފައިވެއެވެ.
Advertisement
This content is created and paid for by advertisers and does not involve Voice Journalists
