ރައީސް އިބްރާހިމް މުޙައްމަދު ޞާލިޙް މ ދިއްގަރަށް ވަޑައިގެންފިއެވެ.
ރިޔާސީ އިންތިޚާބަށް ކެމްޕޭނަށް ކުރައްވަމުން ގެންދަވާ ދަތުރުފުޅުގައި ރައީސް ދިއްގަރަށް ވަޑައިގެންފައިވާއިރު މިއަދު ހެނދުނު އެމަނިކުފަނު ވަނީ އެއަތޮޅު ވޭވަށް، ރަތްމަންދޫ، މަޑުއްވަރި އަށް ވަނީ ވަޑައިގެންފައެވެ.
ރައީސް ޞާލިޙް މ އަތޮޅަށާއި ވ އަތޮޅަށް ކުރައްވަމުން މިގެންދަވާ ދަތުރުފުޅުގައި އިއްޔެވަނީ މ ކޮޅުފުށި، ނާލާފުށި، މުލި އަދި މުލަކަށް ވަޑައިގެންފައިވެއެވެ.
އެރަށްރަށަށް ވަޑައިގެން އެރަށްރަށުގައި ނިމިފައިހުރި ތަރައްޤީގެ ޕްރޮޖެކްޓްތައް ވަނީ އިފްތިތާހް ކޮށްދެއްވައިފައެވެ. އަދި މީގެ އިތުރުން ކޮންމެ ރަށެއްގައިވެސް އެރަށެއްގެ ރައްޔިތުންނާއި އެކު ޖަލްސާބާއްވަވައި، ދެން އޮތް ދައުރަށް އެމަނިކުފާނު ހޮވިވަޑައިގެންފިނަމަ އެރަށްރަށަށް ޓަކައި ކޮސްދެއްވާނެ ކަންކަން ވަނީ ވިދާޅުވެދެއްވައިފައެވެ.
މ އަތޮޅަށް ކުރައްވަމުން ގެންދަވާ ކެމްޕޭނު ދަތުރުފުޅަށްފަހު އެމަނިކުފާނު ދެން ވަޑައިގަންނަވާނީ ވ އަތޮޅަށެވެ. ވ އަތޮޅުން ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގަތުމަށް ވަނީ ހަމަޖެހިފަ އެވެ.
ރައީސް އިންތިޚާބުގެ ކެމްޕޭންގައި ރައީސް ޞާލިޙް މިދިޔަ ހަފްތާގައި ވަނީ ށ. އަދި ކ. އަތޮޅުގެ ބައެއް ރަށްރަށަށް ވަޑައިގެންފަ އެވެ.
Advertisement
This content is created and paid for by advertisers and does not involve Voice Journalists
