ރައީސް އިބްރާހިމް މުޙައްމަދު ޞާލިޙް މ ދިއްގަރު ސިއްޚީ މަރުކަޒަށް އިތުރުކުރެވުނު ބައި ރަސްމީކޮށް ހުޅުވައިދެއްވައިފިއެވެ.
އެމަނިކުފާނު މި ޢިމާރާތް ހުޅުއްވައި ދެއްވީ، މުލަކަތޮޅުގެ ރަށްރަށަށް އިއްޔެ ފެއްޓެވި ދަތުރުފުޅުގެ ތެރެއިންނެވެ.
ދިއްގަރު ޞިއްޙީ މަރުކަޒަށް އިތުރުކުރެވުނު ޢިމާރާތުގައި، ޕަބްލިކް ހެލްތް ޔުނިޓަކާއި، އިދާރީ މަސައްކަތް ކުރާނެ ޖާގައިގެ އިތުރުން މެޑިކަލް ކޮންސިއުމަބްލްސް ސްޓޯރޭޖް ޔުނިޓެއް ހިމެނޭ ކަމަށް ރައީސް އޮފީހުން ބުނެފައިވެއެވެ.
މި އިތުރުކުރެވުނު ޢިމާރާތާއެކު ދިއްގަރު ޞިއްޙީ މަރުކަޒަށް ދިމާވެފައިވާ ޖާގައިގެ ދަތިކަމަށް ބޮޑު ޙައްލެއް ލިބިގެންދާނެކަމަށްވެސް ރައީސް އޮފީހުން ވިދާޅުވެފައިވެއެވެ.
ދިއްގަރު ޞިއްޙީ މަރުކަޒުގެ އެކްސްޓެންޝަން ޢިމާރާތް ހުޅުއްވައި ދެއްވުމަށް ފަހުގައި ރައީސް ޞާލިޙް ވަނީ އެ ޢިމާރާތް ބައްލަވާލައްވައިލައްވާފައެވެ.
ރައީސް ޞާލިޙް މ. އަތޮޅަށާއި ވ އަތޮޅަށް ފައްޓަވައިފައިވާ ދަތުރުފުޅުގައި އިއްޔެ
ކޮޅުފުށި، ނާލާފުށި، މުލި އަދި މުލަކަށް ވަޑައިގެންފައިވެއެވެ. އަދި މިއަދުވަނީ މ. އަތޮޅު ވޭވަށް، ރަތްމަންދޫ، މަޑުއްވަރި އަދި ދިއްގަރަށް ވަނީ ވަޑައިގެންފައެވެ.
އަދި މ. އަތޮޅުގެ ދަތުރުފުޅަށް ފަހު ވ އަތޮޅަށް ވަޑައިގަންނަވާނެއެވެ.
Advertisement
This content is created and paid for by advertisers and does not involve Voice Journalists
