މަދީނާގެ ރައުޟާއަށް ޒިޔާރަތްކުރުމާއި ނަމާދުކުރުމުގައި ގެންގުޅެންޖެހޭ އަދަބުވެރިކަމާއި ގުޅޭގޮތުން ސައުދީގެ ހައްޖާއި އުމްރާ މިނިސްޓްރީއިން ޒިޔާރަތްކުރާ ފަރާތްތަކަށް އިރުޝާދު ދީފިއެވެ.
އެގޮތުން މިނިސްޓްރީއިން ކުރި ޓްވީޓުގައި ވަނީ ޒިޔާރަތްކުރާ ފަރާތްތައް މަޑުމައިތިރިކަން ގެންގުޅުމަށާއި ހަމަޖެހުން ދެމެހެއްޓުމަށް ސަމާލުކަންދީ ފޮޓޯ ނެގުމުގައި މާބޮޑަށް ނޫޅުމަށް ނަސޭހަތްތެރިވެފައެވެ.
މިއާއިއެކު ނަމާދު ކުރާއިރު ނުވަތަ ދުއާކުރާއިރު އަޑު ދަށްކުރުމަށާއި ރައުޟާގެ ތެރެއަށް ކާނާއާއި ބުއިންތައް ނުގެންދިޔުމަށްވެސް މިނިސްޓްރީއިން ވަނީ ނަސޭހަތްތެރިވެފައެވެ.
ހައްޖުގެ މަތިވެރި އަޅުކަމުގައި މި އަހަރު 2 މިލިއަނަށްވުރެ ގިނަ ހައްޖާޖީން ވަނީ ބައިވެރިވެފައެވެ. މިއީ ކޮވިޑަށްފަހު އެންމެ ގިނަ ހައްޖުވެރިން އަޅުކަމުގައި ބައިވެރިވި ފަހަރެވެ.
މިއަހަރު ރާއްޖެއިންް 1140 ޙައްޖާޖީއަކު ވަނީ ޙައްޖުވުމަށް ސަޢުދީއަށް ގޮސްފައެވެ. އެއީ އަމިއްލަ 3 ޖަމާޢަތަކާއި ޙައްޖުކޯޕަރޭޝަންގެ ހަވާލުގައި ދިޔަ މީހުންނެވެ.
Advertisement
This content is created and paid for by advertisers and does not involve Voice Journalists
