މަސްތުވާތަކެތި ވިއްކުމަށް ރައީސް އިބްރާހިމް މުހައްމަދު ޞާލިހު ތާއިދު ކުރާ ވާހަކަ އަކީ ޔޯލަ ވާހަކައެއް ނޫން ކަމަށާ އެކަމުގެ ދަލީލަކަށް އެމަނިކުފާނު ހަނު ހުރުން ފުދޭކަމަށް ކުރީގެ ނައިބު ރައީސް ޑރ.މުހައްމަދު ޖަމީލް އަހްމަދު ވިދާޅުވެއްޖެއެވެ.
ޑރ. ޖަމީލު މިފަދައިން ވިދާޅުވެފައި ވަނީ، ޑިމޮކްރެޓްސް ގެ ރިޔާސީ ކެންޑިޑޭޓް ހުޅުދޫ ދާއިރާގެ މެންބަރު އިލްޔާސް ލަބީބްގެ ކެންޕެއިނަށް އައްޑޫއަށް ވަޑައިގެން ފޭދޫ ރައްޔިތުންނާއި ބައްދަލު ކުރައްވާ ވާހަކަފުޅު ދައްކަވަމުން، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ހަކުރު ވިއްކަން ތާއިދު ކުރައްވާ ކަމަށް ރައްޔިތުންގެ މަޖީލީހުގެ ރައީސް މުހައްމަދު ނަޝީދު ވިދާޅުވުމާއި ގުޅިގެން އެވާހަކައަށް ތާއީދު ކުރައްވާ ކުރެއްްވި ޓުވީޓެއްގައެވެ.
ޖަމީލް ވިދާޅުވީ ނަޝީދުގެ އެ ވާހަކައަކީ ޔޯލަ ވާހަކައެއް ނޫން ކަމަށެވެ. އަދި ރައީސް ޞާލިހު ދީނީ ކާޑު ކުޅެން ބޭނުން ކުރައްވަނީ އަދާލަތު ޕާޓީ ކަމަށާ، އެމަނިކުފާނު މަސްތުވާތަކެތީގައި ޖެހިފައިވާ މީހުންގެ ވޯޓް ހޯދުމަށް ބޭނުން ކުރަނީ "ވަކިމީހަކު" ކަމަށެވެ.
ވަކި މީހަކު ކަމުގައޖ ޖަމީލް އެ އިޝާރާތް ކުރައްވަނީ މަޖިލީހުގެ ކާށިދޫ ދާއިރާގެ މެންބަރު އަބްދުالله ޖާބިރުއަށެވެ.
"ބެރުޖަހަމުން އެމީހަކަށް މަރްޙަބާ އިއްޔެކީ މީހާގެ (ޖާބިރުގެ) ވާހަކަ ޖޯކަކަށް ނުވާނެ. އިބޫގެ ހަނުހުރުން ފުރިހަމަ ދަލީލެއް." ޖަމީލް ވިދާޅުވި އެވެ.
އައްޑޫއަށް ކުރެއްވި ކެންޕެއިން ދަތުރުގައި ނަޝީދު ވަނީ ކާށިދޫ ދާއިރާގެ މެންބަރު އަބްދުالله ޖާބިރު، ރައީސް އިބްރާހިމް މުހައްމަދު ސޯލިހުގެ ވެރިކަމެއްގައި މެޑިކަލް މެރުއާނާ ރާއްޖެ އެތެރެކުރުން ފަސޭހަ ވާނެ ކަމަށް ވިދާޅުވި ވިދާޅުވުމަށް އަލި އަޅުވާލައްވައި، އެކަމާއި ނުރުހުން ފާޅުކުރައްވާފައެވެ. ނަޝީދު ވިދާޅުވީ އެއީ މަޖަލަކަށް ނަމަވެސް ދައްކަން ހެޔޮވާ ވަރުގެ ކަމެއް ނޫން ކަމަށެވެ.
"އަޅުގަނޑަކަށް ނުފެނޭ މަޖަލަށް ހަދާފައިވެސް މި ބާވަތުގެ ވާހަކަ ދައްކަން، ރައީސް ސޯލިހްވެސް އަތް ޖައްސަންވަންށޭ މި އިންނަނަވަނީ. އެއިކީ މަޖާ ކަމެއް ނޫން، ޖާބިރު އަބަދު ދައްކަވާ ވާހަކަތައްވެސް މަޖަލެއްވެސް ނޫން". ނަޝީދު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
