ވިސާ އާއި ނުލާ ސައުދީ އަރަބިއްޔާއަށް ދަތުރުކުރުމުގެ ހުއްދަ އަށްގައުމަަކަށް ދީ އޭގެ ތެރޭގައި ދިވެހިރާއްޖެވެސް ހިމަނައިފިއެވެ. އެޔާއެކު މީގެ ފަހުން ސައުދީ އަރަބިއްޔާއަށް ދަތުރުކުރާ ދިވެހިން އެގައުމަށް ދަތުރުކުރުމުގައި ވިސާއެއް ބޭނުމެއް ނުވާނެއެވެ. 

މިކަން އިއުލާނުކުރައްވައިފައިވަނީ ސައުދީ އަރައްބިއްޔާގެ ފަތުރުވެރިކަމާއި ބެހޭ ވުޒާރާއިން ކުރި ޓުވީޓެއްގައެވެ. 

ވިސާއާއި ނުލަި އެ ގައުމަށް ދަތުރު ކުރެވޭގޮތަށް ހަމަ ޖެއްސި އަށް ގައުމުގެ ތެރޭގައި ދިވެހިރާއްޖޭގެ އިތުރުން ދެ ހިމެނެނީ، އަލްބޭނިއާ، އަޒަރްބައިޖާން، ޖޯޖިއާ، ކިރިގިސްތާން، ސައުތް އެފްރިކާގެ އިތުރުން ތަޖްކިސްތަން އަދި އުޒެބެކިސްތާންއެވެ. 

Advertisement

ވިސާއާއި ނުލައި ދަތުރު ކުރެވޭ ގޮތަށް ސައުދީއިން ހުޅުވާލި މި ފުރުސަތުގައި، ފަތުރުވެރިންނަށާއި އުމްރާވެރިންނާއި އަދި ވިޔަފާރި ދަތުރުތަކުގައި އެ ގައުމަށް ޒިޔާރަތްކުރާ ފަރާތްތަކުގެ އިތުރުން އާއިލާއަށް ޒިޔާރަތް ކުރާ ފަރާތްތަކަށްވެސް އެ ގައުމަށް ވިސާ އާއި ނުލައި ދަތުރު ކުރެވޭނެއެވެ. 

ވިސާއާއި ނުލައި ސއުދީ އަރަބިއްޔާއަށް ދަތުރުކުރުުގެ ފުރުސަތު ދިވެހިންނަށް ހުޅުވާލިކަމަށްޓަކައި ރާއްޖޭގެ ފޮރިން މިނިސްޓަރ އަބްދުﷲ ޝާހިދު ވަނީ ސައުދީ އަރަބިއްޔާގެ ފޮރިން މިނިސްޓަރ ފައިސަލް ބިން ފަރްހާނަށާއި އެ ގައުމުގެ ޓުއަރިޒަމް މިނިސްޓަރ އަހްމަދު ޚަތީބަށް ޝުކުރު އަދާކުރައްވައިފައެވެ.