ކުރިއަށް އޮތް ރިޔާސީ އިންތިހާބުގައި ޖުމްހޫރީ ޕާޓީގެ ފަރާތުން ވާދަކުރައްވާ އެ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ ކެންޑިޑޭޓު ނަމްބަރެއްގެ ގޮތުގައި ނަމްބަރު 5 ކަނޑައެޅިއްޖެއެވެ.

އިންތިހާބީ މަރުކަޒުގައި މިއަދު ކުރިއަށް ގެންދިޔަ ގުރުއަތު ނެގުމުގެ ރަސްމިއްޔާތުގައި އިންތިހާބުގައި ބައިވެރިވާ އެހެން ހުރިހާ ކެންޑިޑޭޓުންގެވެސް ގުރުނެގުން ވަނީ ކުރިއަށް ގެންގޮސްފަ އެވެ. 

އެގޮތުން ގުރުއަތުން ކެންޑިޑޭޓުންގެ ނަންބަރު ކަނޑައެޅުފައިވަނީ އަންނަނިވި ތަރުތީބުންނެވެ.

ކެންޑިޑޭޓް ނަމްބަރު 1 އުމަރު ނަސީރު

ކެންޑިޑޭޓް ނަމްބަރު 2 ހަސަން ޒަމީލް

ކެންޑިޑޭޓް ނަމްބަރު 3 ރައީސް އިބްރާހިމް މުހައްމަދު ސޯލިހް

ކެންޑިޑޭޓް ނަމްބަރު 4 ޑރ. މުހައްމަދު މުއިއްޒު

ކެންޑިޑޭޓް ނަމްބަރު 5 ގާސިމް އިބްރާހިމް

ކެންޑިޑޭޓް ނަމްބަރު 6 ފާރިސް މައުމޫން

ކެންޑިޑޭޓް ނަމްބަރު 7 އިލްޔާސް ލަބީބް

ކެންޑިޑޭޓް ނަމްބަރު 8 މުހައްމަދު ނާޒިމް

ރިޔާސީ އިންތިހާބުގެ ވޯޓުލާން އެއްމަސް ދުވަހަށް ވެފައިވާއިރު، ކެންޑިޑޭޓުން އަންނަނީ ފޯރިއާއެކު ކެންޕެއިން ކުރުމުގެ މަސައްކަތް ކުރަމުންނެވެ. 

އެގޮތުން، ގާސިމްވެސް ފޯރިއާއެކު ކެންޕެއިން ކުރިއަށް ގެންދަވާއިރު، މި ރިޔާސީ އިންތިހާބުގައި ގާސިމްގެ ކެންޕެއިން ސްލޯގަން އަކަށް ކަނޑައަޅާފައިވަނީ، "ހާސްކަނޑާލާ، ހަމަޖެހޭނެ" އެވެ. އެބޭފުޅާގެ މެނިފެސްޓޯ އިފްތިތާހް ކުރުން އޮތީ މިރޭގައެވެ.