ޖުމްހޫރީ ރިޔާސީ ކެންޑިޑޭޓް، މާމިގިލީ ދާއިރާގެ މެމްބަރު ޤާސިމް އިބްރާހިމްގެ ވެރިކަމުގެ ފަސް އަހަރުގައި 30،000 ހައުސިންގ ޔުނިޓް އަޅާނެ ކަމަށް ޤާސިމް ވަޢުދުވެވަޑައިގެންފިއެވެ.

މިކަން އިޢުލާނުކުރައްވައިފައިވަނީ ޤާސިމް އަމީން 2023 މެނިފެސްޓޯ ގައެވެ.

ޤާސިމްގެ ވެރިކަމުގެ ފަސް އަހަރު ތެރޭގައި 30،000 ހައުސިންގ ޔުނިޓް އަޅައި ބޯހިޔާވަހިކަމަށް ބޭނުންވެ ނުލިބިފައި ތިބި ރައްޔިތުންނާއި، ހަވާލުކުރައްވާނެ ކަމަށާއި، އޭގެ ތެރެއިން 15،000 ހައުސިންގ ޔުނިޓް އަޅާނީ މާލެ ސަރަހައްދުގައި ކަމަށް މެނިފެސްޓޯގައި ވެއެވެ.

Advertisement

އެގޮތުން މާލެ ސަރަހައްދުގައި އެޅުމަށް ހަމަޖެހިފައިވާ 15،000 ހައުސިންގ ޔުނިޓާއި އަތޮޅުތެރޭގައި އެޅުމަށް ހަމަޖެހިފައިވާ ހައުސިންގ ޔުނިޓްތައް ވެރިކަމުގެ ފަސް އަހަރު ދުވަހުގެ ތެރޭގައި ނިންމައި ހަވާލު ކުރޭނެ ކަމަށް މެނިފެސްޓޯގައި ބުނެފައިވެއެވެ.

މީގެއިތުރުން އަލަތު ކައިވެނި ކުރާ ކުރިން ބޯހިޔާވަހިކަމެއް ލިބިފައިނުވާ ޒުވާނުންނަށް ޚާއްސަ ކޮށްގެން 18،000 ހައުސިންގ ޔުނިޓް "ފުރަތަމަ ގެދޮރު" ގެ ދަށުން ދޫކުރާނެ ކަމަށާއި، ސޯޝަލް ހައުސިންގ ހައްޤުވާ ފަރާތްތަކުން އެތަންތަނަށް ދައްކަންޖެހޭ ކުލި މަޢާފު ކޮށްދޭނެ ކަމަށް ޤާސިމް އަމީން 2023 މެނިފެސްޓޯގައި ބުނެފައިވެއެވެ.

ހައުސިންގ ޔުނިޓް ތަކުގެ އިތުރުން އަމިއްލަ ގޯތީގައި ގެދޮރު ހެދުމަށް ބޭނުންވާ ފަރާތްތަކަށް ވެސް ޙާއްސަ ގޮތްތަކެއް ކަނޑައަޅުއްވައިފައިވެއެވެ.