ދެކެން ބޭނުން ވަނީ ހުރިހާ ދިވެހިންނަކީވެސް ޤާސިމް ފަދައިން ފުދުންތެރި ބަޔަކަށް ވުމަށް ކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް އަދި މާމިގިލީ ދާއިރާގެ މެމްބަރު ޤާސިމް އިބްރާހިމް ވިދާޅުވެއްޖެއެވެ.
ޤާސިމް މިހެން ވިދާޅުވީ ހދ ހިރިމަރަދޫއަށް ވަޑައިގެން އެރަށު ރައްޔިތުންނާއި އެކު ބޭއްވެވި ބައްދަލުވުމުގައި ވާހަކަދައްކަވަމުންނެވެ.
"އަޅުގަނޑު ނޫޅެން ކޮންމެ މަހަކު ރައްޔިތުންގެ ފައިސާއި ހަތަރު ފަސް ލައްކަ ރުފިޔާ މަހަކު މުސާރައަށް ނަގައިގެން އުޅޭކަށް، އެކަން ހިތުގައި އޮތް މީހެއް ނޫން އަޅުގަނޑަކީ، ކީއްކުރަންތޯ، އަޅުގަނޑަކީ އެއަށްވުރެ މާ ގިނަ ފައިސާ މާގިނަ ތަނަވަސްކަން މާތް الله ދެއްވާފައިވާ މީހެއް" ޤާސިމް ވިދާޅުވިއެވެ.
ޤާސިމް ވިދާޅުވީ އޭނާ އަކީ އޭނާއަށް ދެއްވާފައިވާ ތަނަވަސްކަމުން ދިވެހި ރައްޔިތުންނަށްޓަކައި އިންސާނިއްޔަތަށްޓަކައި ބަހަމުން ހޭދަކުރަމުން ދާމީހެއް ކަމަށެވެ.
"އަޅުގަނޑުގެ އުފުލަކީ އަޅުގަނޑުގެ ހިތްހަމަ ޖެހުމަކީ މި ދިވެހިރާއްޖޭގެ ލޮބުވެތި ރައްޔިތުން ތަނަވަސްކަމާއި އުފާފާގަތި ކަމާއި މިނިވަންކަމާއި އެކުގައި އަޅުގަނޑެކޭ އެއްފަދައިން ކުރިއަރައިގެން ދިއުން" ޤާސިމް ވިދާޅުވިއެވެ.
ޖަލްސާގައި ވާހަކަ ދައްކަވަމުން ޤާސިމް ވިދާޅުވީ އިންތިޚާބަށް ކުރިމަތިލެއްވީ ޤައުމުގެ އަމާންކަމާއި ސަލާމަތަށް ޓަކައި ކަމަށެވެ. އަދި އެކަން ކުރެއްވުމަށް މަޖުބޫރު ކުރުވި ސަބަބުވެސް މިއަދުގެ ވާހަކައިގައި ޤާސިމް ވަނީ ވިދާޅުވެދެއްވާފައެވެ.
އެގޮތުން ޤާސިމް ވިދާޅުވީ އޭނާއަކީ ރާއްޖޭގައި މިހާރު މިއޮތް ޑިމޮކްރެޓިކް ޙަޔާތް ގެނައުމަށްޓަކައި، ތަނަވަސްކަމާއި މިނިވަންކަން ގެނައުމަށްޓަކައި ރައްޔިތުންގެ ކުރިމަގަށްޓަކައި ތަފާތު ގިނަގުނަ މަސައްކަތްތަކެއް 1984ވަނަ އަހަރުން ފެށިގެން ކުރަމުން އައި މީހަކަށްވެފައި އޭގެ އެންމެބޮޑު ޒިންމާއެއް އުފުލައި އޭގެ އެންމެ ބޮޑު އަނިޔާއެއް ލިބި، ޖިސްމާނީ ގޮތުންނާއި ނަފްސާނީ ގޮތުން މުޅި އާއިލާއަށްވެސް ލިބިފައިވާ މީހަކީ އޭނާ ކަމަށް ޤަބޫލު ކުރާތީ ކަމަށެވެ.
މީގެއިތުރުން ޤާސިމް ވިދާޅުވީ މިއަދު މިއޮތް ރޯޝަނީ ކަމާއި މިނިވަންކަން ގެއްލިގެން ދާއިރު އެކަންއެހެންދާއިރު ރައްޔިތުންނާއި ހަމައަށް އަޑު ނުއިއްވާ ދިއުމަކީ ޒަމީރު ޤަބޫލުކުރާ ކަމަކަށް ނުވާތީ ކަމަށެވެ.
ޤާސިމް ވިދާޅުވީ ރައްޔިތުން ވެރިކަމަށް ހޮވާނީ ކޮންބޭފުޅެއްކަން އެނގޭނީ ރައްޔިތުންނަށް ކަމަށެވެ. ނަމަވެސް އެނގެން އޮތް އެއްޗަކީ މިހާތަނަށް ވެރިކަމަށް އައި ކޮންމެ ޕާޓީއެއްވެސް ވެރިކަމަށް އައިސްފައިވަނީ ޖުމްހޫރީ ޕާޓީގެ ތާއީދާއި އެކުގައި ކަމަށެވެ.
ޤާސިމް ތަކުރާރުކޮށް ވިދާޅުވީ ރައީސުލް ޖުމްހޫރިއްޔާގެ މަޤާމަށްވުރެ މުހިންމީ މިދައުލަތުގެ ރައްޔިތުންގެ މިނިވަންކަމާއި އިސްތިޤްލާލު ކަމަށެވެ.
އިންތިޚާބަށް ކުޑަދުވަސްކޮޅަކަށް ވެފައިވާއިރު ހުރިހާ ކެންޑިޑޭޓުންވެސް ދަނީ ކޮންމެވެސް ގޮތަކުން ކެމްޕޭނު ކުރައްވަމުންނެވެ.
Advertisement
This content is created and paid for by advertisers and does not involve Voice Journalists
