ޕީޕީއެމްގެ ސަރުކާރެއް، އަދި އެމްޑީޕީގެ ސަރުކާރެއް ދެ ފަހަރު ގެންނަން މަސައްކަތް ކުރައްވައި އެކަން ކުރެއްވި ކަމަށާ އެހެން ނަމަވެސް، އެކަން ކުރެއްވި އިރު، އެއީ "އެހާ ބޮޑު ހިޔާނާތްތެރިކަން" އޭރު އެނގިވަޑައިނުގަންނަވާ ކަމަށް، ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެއެވެ.
ރިޔާސީ ކެންޕެއިނަށް ފުވައްމުލަކަށް ވަޑައިގެން ވާހަކަ ދައްކަވަމުން ގާސިމް ވިދާޅުވީ، ގާސިމް ވިދާޅުވީ ކުރީގެ ރައީސް މުހައްމަދު ނަޝީދަށް ވެރިކަން ހޯއްދަވައި ދެއްވުމުން، އެ ސަރުކާރުން ސުޕްރީމް ކޯޓުގައި ތަޅު އެޅުވި ކަމަށެވެ. އެއަށްފަހު އަނެއްކާވެސް، ދެވަނަ ފަހަރަށް އެމްޑީޕީއަށް ވެރިކަން ދިނުމުން މިހާރު ތަޅު އަޅުވާފައި އޮތީ ރައްޔިތުންގެ މަޖިލީހުގައި ކަމަށް ގާސިމް ވިދާޅުވި އެވެ.
އެކަން ސަރުކާރުން ކޮށްފައިވަނީ ގަސްތުގައި ކަން ފާހަގަކުރައްވައި ގާސިމް ވިދާޅުވީ އެއީ އިންތިހާބާ ދިމާކޮށް ސަރުކާރާ ދެކޮޅަށް ތަފާތު ވާހަކަ ދެއްކުމަށް ފުރުސަތު ނުދިނުމުގެ ގޮތުން ކުރި ކަމެއް ކަމަށް ވެސް ގާސިމް ވިދާޅުވި އެވެ.
"އެމްޑީޕީގެ ސުޕާ މެޖޯރަޓީ ރައްޔިތުންގެ މަޖިލީހުގެ ތެރޭގައި އޮތީމަ މިއަދު ރައީސުލްޖުމްހޫރިއްޔާ އަޒުލު ނުކޮށް، ވެރިކަމުގައި އެ ހުންނެވެނީ. އެހެން ނޫނީ ރައްޔިތުންގެ މަޖިލީހުގެ މެމްބަރުންނަށް ލާޒިމުވާނެ އޭނާ (ރައީސް ޞާލިހު) ބޭރުކުރަން. އަދި ސުޕްރީމް ކޯޓަށް މިހާރު މައްސަލަ ވެއްދިޔަސް އެކަން ސާބިތުކުރެވޭނެ،"
ގާސިމް އިބްރާހިމް
ގާނޫނު އަސާސީގައި، ބުނާގޮތުން އެފަދައިން ބޭރުގެ ސިފައިންނަށް ތިބެވޭނީ މަޖިލީހުގެ ހުއްދަ އާއި އެކުގައި ކަމަށް ވާއިރު، މަޖިލީހަށް "ނޭނގި" އެފަދައިން ސިފައިން ބެއިތިއްބުމުން ރައީސް ޞާލިހު ވަނީ ގާނޫނު އަސާސީ އާ ހިލާފުވެފައި ކަމަށް ގާސިމް ވިދާޅުވިއެވެ. އަދި ގާނޫނު އަސާސީއާ ޚިލާފް ވުމަކީ ރައީސުލްޖުމްހޫރިއްޔާ ކަމުގެ ހުވާ އާއި ޚިލާފް ވުން ކަމުގައިވާއިރު، އެ މައްސަލާގައި ރައީސް ޞާލިހު އަޒުލު ކުރަންޖެހޭ ކަމަށް ގާސިމް ވަނީ ވިދާޅުވެފަ އެވެ.
މިއާއެކު ގާސިމް ވިދާޅުވީ އެމްޑީޕީއަށް ދެ ފަހަރު ވެރިކަން ހޯދައިދިނުމުން ވެސް އެ ދެފަހަރު ވެސް އެ ޕާޓީންވެސް، އަދި ޕީޕީއެމަށް ވެރިކަން ހޯދައި ދިނުމުން އެ ޕާޓީންވެސް ގާނޫނު އަސާސީއާ ހިލާފުވެފައިވާ ކަމަށެވެ. އަދި އެކަމާ ހިތާމަ ކުރައްވާ ކަމަށްވެސް އެމަނިކުފާނު ވިދާޅުވި އެވެ.
މިވަރުގެ ޚިޔާނާތްތެރި މީހުން، ގައުމުގެ ވެރިންނަށް އިސްކުރީމާ ކަންތައްތައް ވީގޮތް. ދެން މީގެ ހިތާމަ އަކީ އަޅުގަނޑު ވެސް އެބޭފުޅުން ވެރިކަމަށް ގެންނަން ކަންތައްތައް ކުރީމޭ. އަޅުގަނޑަށް ނޭނގެ އޭރަކު، މިމީހުން މިއީ އެވަރުގެ ޚިޔާނާތްތެރިން ކަމެއް.
ގާސިމް އިބްރާހިމް
މިއާއެކު ގާސިމް ވިދާޅުވީ އެ އެމްޑީޕީއާއި ޕީޕީއެމްވެސް ވަނީ ފެއިލް ވެފައި ކަމަށާ، އެބޭފުޅުންނަށް ދެން ތާއީދު ކުރެއްވެން ނެތް ކަމަށެވެ.
"އެހެންވީމާ މާފު ކުރައްވާ އަޅުގަނޑަކަށް ނެތް އެބޭފުޅުންނަށް ތާއީދުކުރެވޭކަށް. އެ ޕާޓީތައް ފެއިލުވެއްޖެ. ވަރަށް ސާފުކޮށް މި ދަންނަވަނީ. ވަރަށް ރީތިކޮށް ފެއިލް ވެއްޖެ." ގާސިމް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
