ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމްގެ ހަގު އަނބިކަނބަލުން، ރާނިޔާ ހަމީދު މ، މިއަދު އދ. ދިގުރަށު ގޭގެއަށް ދޮރުން ދޮރަށް ކެންޕެއިން ކުރައްވަން ފަށްޓަވައިފިއެވެ.
ގާސިމްގެ ކެންޕެއިނަށް ދިގުރަށު ގޭގެއަށް ދޮރުން ދޮރަށް ވަޑައިގެން ތާއީދު ހޯއްދެވުމުގެ މަސައްކަތް ރާނިޔާ މިއަދު ފަށްޓަވާފައި ވާއިރު، އޭނާ އިއްޔެ ވަނީ ދަނގެޗަށް ވެސް ކެންޕެއިން ދަތުރެއް ކުރައްވާފަ އެވެ.
ރާނިޔާ ދަނގެއްޗަށް ވަޑައިގަތުމުން އެރަށުގެ ގިނަ އަދަދެއްގެ ބަޔަކު ވަނީ އޭނާއަށް މަރުހަބާ ކިޔުމަށް ނުކުމެފައެވެ. އަދި އެރަށުގެ ގިނަ ބަޔަކު ވަނީ އޭނާއާއިއެކީ ފޮޓޯވެސް ނަގާފައެވެ.
ރާނިޔާ އދ އަތޮޅުގައި ކެމްޕެއިން ކުރައްވަމުންދާއިރު، ގާސިމް މިވަގުތު ގެންދަވަނީ ލ އަތޮޅުގައި ކެމްޕެއިން ކުރައްވަމުންނެވެ.
ކެމްޕެއިން ދަތުރުފުޅުގައި ޤާސިމް އިބްރާހީމާއި އެމަނިކުފާނާއެކު ވަޑައިގަންނަވާ ޓީމުން މިހާތަނަށް ވަނީލ އަތޮޅުގެ އިތުރުން ހދ.، ށ،. ނ.، ރ.، ބ.، ޅ.، އއ،. އދ.، ފުވައްމުލަކު އަދި އައްޑޫ ސިޓީގެ ގިނަ ރަށްތަކަކަށް ވަޑައިގެންފަވެއެވެ.
އެމަނިކުފާނުގެ ރަނިންމޭޓު ޑރ. އަމީން އިބްރާހީމާއި އެމަނިކުފާނާއެކު ދަތުރުކުރަށްވާ ޓީމުން ވެސް ވަނީ ލ، ތ، އަދި މިނޫން ވެސް އެހެން އަތޮޅުތަކުގެ އެކިއެކި ރަށްރަށަށް ވަޑައިގެން، ރައްޔިތުންނާ ބައްދަލުކުރަށްވާފައެވެ.
Advertisement
This content is created and paid for by advertisers and does not involve Voice Journalists
