ކުރިއަށް އޮތް ރިޔާސީ އިންތިހާބު ކާމިޔާބު ކުރައްވައި ވެރިކަމަށް ވަޑައިގެންނެވިއްޖެ ނަމަ، ބަލިތަކަށް ފަރުވާ ހޯދުމަށް ސޯޝަލް މީޑިއާގައި އެހީއަށް އެދުން ނިމުމަކަށް ގެނެސްދެއްވާނެ ކަމަށް ޖުމްހޫރީޕާޓީގެ ލީޑަރ އަދި ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެއެވެ.
ގާސިމްގެ ރިޔާސީ ކެމްޕެއިނަށް ހއ. އިހަވަންދުއަށް ވަޑައިގެން ވާހަކަފުޅު އެ ރަށު ރައްޔިތުންނާ ބައްދަލުކުރައްވާ ވާހަކަ ދައްކަވަމުން ގާސިމް ވިދާޅުވީ، އާސަންދަ އާއި އެންސްޕާ މެދުވެރިކޮށް ރައްޔިތުންނަށް ބޭސްފަރުވާ އަށް ޚަރަދު ކުރަން އޮންނަ އިރު، އަދިވެސް ރައްޔިތުން މީސް މީޑިއާ ފަދަ މަންސަތަކުގައި ސަލާންޖަހަން ޖެހޭ ކަމަށެވެ.
އަދި އެފަދައިން ކަން ކުރާތަން ފެނިވަޑައިގެންނެވުމުން ވަރަށް އަސަރު ކުރާ ކަމަށާ، މިހާރުވެސް އެފަދަ ޕޯސްޓުތައް ފެނުމުން އެމީހުންނަށް އެކިވަރުގެ އެހީވެދެއްވަމުން އަންނަ ކަމަށް ގާސިމް ވިދާޅުވި އެވެ.
މިއާއެކު ގާސިމް ވިދާޅުވީ، އެމަނިކުފާނަށް ވެރިކަން ލިބިވަޑައިގެންފިނަމަ ބޭސް ސިޓީއަށް އެފަދައިން ސަލާން ޖަހާ ޖެހުން ނިމުމަކަށް ގެންނަވާނެ ކަމަށެވެ.
ބޭސް ސިޓީއަށް ސަލާން ޖަހަން ވެބްސައިޓްތަކުގައި ޖަހާގެންވެސް އެއްވެސް އެއްޗެއް ނުލިބިގެން ސޯޝަލް މީޑިއާގައި ފަތުރަމުން ދާއިރު، އަޅުގަނޑުމެން އެ ބުނާ އާސަންދައާ ބާސަންދައާ އެބުނާ އެންސްޕާ އާ މެންސްޕާ ކޮބައިތޯ؟ އެއީ ދިވެހިންތޯ؟ ރައްޔިތުންތޯ؟ އެބުނާ އެއްޗެއް އަޅުގަނޑަށް ފެނިއްޖެއްޔާ އޮންނާނީ ކޮންމެސް މިންވަރެއް އަޅުގަނޑު ކޮށްދީފައި. ދެތިން ހަތަރު ހާސް، ފަސް ހާސް ޑޮލަރު އޮންނާނީ ދީފައި. އަޅުގަނޑަށް ފެނުނިއްޔާ. އަޅުގަނޑު ކައިރިއަށް އައިސްފިއްޔާ. މަ މީ ރައީސުލްޖުމްހޫރިއްޔާ ކަމުގެ މަގާމުގައި ހުރިނަމަ ލާހިކެއް ނޫން އެކަހަކަ އެކަކުވެސް ސޯޝަލް މީޑިއާ އާ ހަމައަށް ދާކަށް. ފެންނަ އިރަށް ވަގުތުން ކޮށްދޭނަން.
ގާސިމް އިބްރާހިމް
ގާސިމް އިތުރަށް ވިދާޅުވީ މިހާރުވެސް އެންސްޕާއާ އާސަންދައިން ވަކި ބަޔަކަށް 40 ހާސް ޑޮލަރުން ފައިސާ ދޭ ކަމަށެވެ. ނަމަވެސް ހަގީގަތުގައި އެހީއަށް ބޭނުންވާ ކުއްޖާއަށް އެ އެހީ ފޯރުކޮށްދިނުމަށް އެ ފައިސާ ޚަރަދު ނުކުރަނީ ކީއްވެތޯ އެމާނިކުފާނު ވަނީ ސުވާލު އުފައްދަވާފައެވެ.
Advertisement
This content is created and paid for by advertisers and does not involve Voice Journalists
