ރިޔާސީ އިންތިޚާބުގެ ދެވަނަ ބުރުގައި ޖޭޕީގެ މެމްބަރުން ޕީއެންސީ ޕީޕީއެމް ގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒަށް ވޯޓު ދެއްވުމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް އެދިވަޑައިގެންފިއެވެ.

ޑރ ޝަހީމް މިގޮތައް އެދިވަޑައިގެންފައިވަނީ އޭނާ ކުރެއްވެވި ޓްވީޓެއްގައެވެ.

"ޖޭޕީގެ އެންމެހޭ ޢާންމު މެމްބަރުންގެ ޑރ މުޢިއްޒަށް ތާއީދު ކޮށްދެއްވުމަށް ނުހަނު އަދަބު އިޚްތިރާމާއި އެކު އެދެން" ޑރ ޝަހީމް ވިދާޅުވެފައިވެއެވެ.

Advertisement

ޑރ ޝަހީމް ވިދާޅުވެފައިވަނީ އެންމެން ގުޅިގެން މިޤައުމު ތަރައްޤީކޮށް ބިނާ ކުރެވިދާނެ ކަމަށެވެ.

ޑރ ޝަހީމް މިހެން ވިދާޅުވެފައިމިވަނީ ޖޭޕީގެ ލީޑަރ ޤާސިމް އިބްރާހިމް އެޕާޓީގެ ޢާންމު މެންބަރުންނަށް ޕާޓީގެ ނަން ބޭނުން ނުކޮށް ބޭނުން ކެންޑިޑޭޓަކަށް ތާއީދު ކުރުމަށް އެދިފައި ވަނިކޮށެވެ.

ޖޭޕީއިން އެމްޑީޕީ ކޯލިޝަނާއި އެކު ދިގު މަޝްވަރާއެއް ކުރިއަށް ގެންގޮސްފައިވެއެވެ. އަދި ޕީޕީއެމް އާއި އެކުވެސް މަޝްވަރާ ކޮށްފައިވެއެވެ. ދެ ކެންޑިޑޭޓުންނާއެކު މަޝްވަރާ ކުރެއްވުމަށްފަހު ޖޭޕީގެ ލީޑަރ ވަނީ އެއްވެސް ކެންޑިޑޭޓަކަށް ތާއީދު ނުކުރުމަށް ނިންމައިފައެވެ.