ރައީސް އިބްރާހިމް މުޙައްމަދު ޞާލިޙްގެ ދީނީ ސިޔާސަތުތަކުން ޤައުމިއްޔަތަށް ނުރައްކާވާ ކަމަށް ކުރީގެ ނައިބު ރައީސް ޑރ މުޙައްމަދު ޖަމީލް ވިދާޅުވެއްޖެއެވެ.

ރައީސް ޞާލިޙްގެ ދީނީ ސިޔާސަތުތަކުން ޤައުމިއްޔަތަށް ނުރައްކާވާ ކަމަށް ވިދާޅުވާ ސަބަބުތައްވެސް ޑރ ޖަމީލް ވަނީ ވިދާޅުވެއްދެއްވައިފައިވެއެވެ.

އެގޮތުން ޑރ ޖަމީލް ވިދާޅުވެފައިވަނީ އެމްޑީއެން އިން ދީނަށް ފުރައްސާރަކުރިކަން ސާބިތުވީއިރުވެސް އެޖަމިއްޔާ އާއި މެދު ފިޔަވަޅެއް އަޅައިފައި ނުވާ ކަމަށެވެ. މިއާއި އެކު ދީނަށް މަލާމަތްކުރި ގިނަ ބަޔަކު ތިބީ ސަރުކާރުގެ މަތި ފަޑީގައި ކަމަށްވެސް ޑރ ޖަމީލް ވިދާޅުވެފައި ވެއެވެ.

Advertisement

މީގެ އިތުރުން ޖަމީލް ވިދާޅުވީ ދީނަށް ހަޖޫޖެހި ކޮންމެ މީހަކަށް ބަހަނާއެއް ހޯދާފައި މިނިވަން ކޮށްދީ ފައިވާ ކަމަށާއި، ސަރުކާރާއި ޚިޔާލް ތަފާތު ދީނީ ޢިލްމުވެރިންނަށް ދައުވާކޮށް އަނިޔާގައި ބައިތިއްބައިފައި ވާކަމަށެވެ.

" މިހުރިހާ ކަމެއް ހިނގާއިރު ހޯމް މިނިސްޓަރަކީ ޝައިޚު އިމްރާން، މިފަދަ ބޭފުޅުން ދީނަށްވުރެ ދުނިޔެ އިސްކުރާތަން ފެނުމަކީ ހިތާމަ ހުރިކަމެއް" ޑރ ޖަމީލް ވިދާޅުވެފައިވެއެވެ.

ދީނަށް ފުރައްސާރަ ކުރުމުގެ ގިނަ މައްސަލަތަކެއް މިފާއިތުވެގެން ދިޔަ ދުވަސްތަކުގައި ފެންވަތިވެފައި ވާއިރު މައްސަލަ ތަކުގައި ޝާމިލްވި ގިނަ ބަޔަކު ވަނީ ދޫކޮށްލައިފައެވެ.