މާދަމާ އޮންނަ ރިޔާސީ އިންތިހާބަށް ތާއީދު ހޯދުމުގެ މަސައްކަތްކުރުން އާދިއްތަ ދުވަހު ހެނދުނު 6 ޖަހަންދެން ކެމްޕެއިންކުރުން މަނާވާނެވާނެ ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަަންސް ކޮމިޝަނުގެ ނައިބު ރައީސް އިސްމާއިލް ހަބީބް ވިދާޅުވީ ރިޔާސީ އިންތިޚާބު 2023ގެ ދެވަނަ ބުރުގެ ކެމްޕެއިން ކުރުން މަނާ ވަގުތަކީ ހުކުރު ދުވަހު އިރުއޮއްސި 6:00 ން ފެށިގެން އާދީއްތަ ދުވަހު ހެނދުނު 6:00 އަށްކަމަށެވެ.
އަދި އެވަގުތު ކެމްޕެއިންގެ އެއްވެސް ހަރަކާތެއް ނުހިންގެވުމަށް އިލެކްޝަންސް ކޮމިޝަނުން ވަނީ އިލްތިމާސް ކޮށްފައެވެ.
އެގޮތުން ކެމްޕެއިން ކުރުން މަނާ ގަޑީގައި، ކެންޑިޑޭޓުންނަށް ތާއީދު ހޯދުމަށް މީހުންނަށް އެސް.އެމް.އެސް ފޮނުވުމާއި، ސޯޝަލް މީޑިޔާގެ އެއްވެސް ވަސީލަތެއް ބޭނުންކުރުމަކީވެސް މަނާކަމެއް ކަމަށް ހަބީބު ވިދާޅުވި އެވެ.
އަދި ހުރިހާ ފަރާތްތަކުންވެސް ޤާނޫނާއި ޤަވާޢިދަށް ޙުރުމަތްތެރިކޮށް ހިތުމަކީ ވާޖިބެއްކަމަށްވެސް އޭނާ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
