އިންތިހާބުގެ ދެވަނަ ބުރުގެ ވޯޓުލުން ނިމި، ގިނަ ވޯޓު ފޮށީގެ ނަތީޖާ މިހާރު އިއުލާން ކޮށްފައިވާއިރު، 17,760 ވޯޓަށްވުރެ ގިނަ ވޯޓުގެ ތަފާތުން ކުރީގައި ޑރ. މުޢިއްޒު.
ބާކީ ނުގުނި އެންމެ ދެ ފޮށި އިން އިރު، މުޢިއްޒަށް 125,889 ވޯޓު ވަނީ ލިބިލައްވާފައި.
އަދި ރައީސް ޞާލިހަށް ލިބިލެއްވޫ 108,124 ވޯޓު
އެހެންކަމުން ކުރިއަށް އޮތް 5 އަހަރަށް ރާއްޖޭގެ ރައީސުލްޖުމްހޫރިއްޔާ ކަމުގެ މަގާމުގައި ހުންނަވާނީ ޑރ. މުޢިއްޒު ކަން މިވަނީ ކަށަވަރު ވެފައި.
އިންތިހާބުގެ ދެވަނަ ބުރުގެ ވޯޓުލުން ނިމި، ގިނަ ވޯޓު ފޮށީގެ ނަތީޖާ މިހާރު އިއުލާން ކޮށްފައިވާއިރު، 17,760 ވޯޓަށްވުރެ ގިނަ ވޯޓުގެ ތަފާތުން ކުރީގައި ޑރ. މުޢިއްޒު.
ބާކީ ނުގުނި އެންމެ ދެ ފޮށި އިން އިރު، މުޢިއްޒަށް 125,889 ވޯޓު ވަނީ ލިބިލައްވާފައި.
އަދި ރައީސް ޞާލިހަށް ލިބިލެއްވޫ 108,124 ވޯޓު
އެހެންކަމުން ކުރިއަށް އޮތް 5 އަހަރަށް ރާއްޖޭގެ ރައީސުލްޖުމްހޫރިއްޔާ ކަމުގެ މަގާމުގައި ހުންނަވާނީ ޑރ. މުޢިއްޒު ކަން މިވަނީ ކަށަވަރު ވެފައި.
މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 16:00އާ ހަމައަށް 221,496 މީހުން ވޯޓުލައިފި
އެއީ ވޯޓުލެވޭ މީހުންގެ 78.32 އިންސައްތަ.
މިހާރު ވޯޓު ނުލާ ތިބި މީހުންގެ އަދަދަކީ 61,308
އެމްއެންޔޫ ގައި ބަހަށްޓާފައި ހުރި ވޯޓު ފޮށްޓެއް ކައިރިން މީހަކު ފުލުހުންގެ ބެލުމުގެ ދަށަށް ގެންގޮސްފި
ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދު ވޯޓުލައްވައިފި.
އިލެކްޝަންސް ކޮމިޝަންގެ އެންމެ ފަހުގެ ތަފާސްހިސާބުތައް ދައްކާގޮތުން ރިޔާސީ އިންތިހާބުގެ ދެވަނަބުރުގައި 13:00 އާ ހަމައަށް 52 އިންސައްތަ މީހުން ވޯޓުލައިފިއެވެ.
ވޯޓު ކަރުދާހުގައި ފާހަގަޖެހި މައްސަލައާއި ގުޅިގެން އީސީގެ އޮފިޝަލް މަޤާމުގެ މަސްއޫލިއްތުން ދުރުކުރުމަށްފަހު ލ.ފޮނަދޫގެ ތިން ނަންބަރު ވޯޓު ފޮށީގެ ވޯޓުލުން އަލުން ފަށަން ތައްޔާރުވަމުން އަންނަ ކަމަށް އީސީން ވިދާޅުވެއްޖެ
ފުލުހުން: ލ. ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭކަމުގެ ޝަކުވާ ފުލުހުންނަށް ހުށަހަޅާފައިވޭ. މިކަމާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން.
ރައީސް ޞާލިހު: މިފަހަރު ނަތީޖާ ވަރަށް ބޮޑަށް ބަދަލުވާނެ. އަޅުގަނޑަށް ފެންނަނީ އިންތިހާބު ކާމިޔާބުވާ ތަން.
ފޮނަދޫގެ 3 ނަންބަރު ވޯޓު ފޮށީގައި ދޫކުރި 3 ކަރުދާހެއްގައި ކުރަހާފައިވާ މައްސަލައެއް ފެންމަތިވެއްޖެ.
ފަސްޓް ލޭޑީ ފަޒްނާ ވޯޓު ލައްވައިފި
ދެގަޑިއިރު ތެރޭ 65،600 މީހުން ވޯޓު ލައިފި
އޮޕަރޭޝަން ބްލޫ ވޭވް އަޕްޑޭޓް:
އިންތިޚާބާ ގުޅުންހުރި ކަންކަމާ ގުޅިގެން މިހާތަނަށް 4 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. މިމީހުންގެ ތެރޭގައި ހިމެނެނީ ވޯޓު ކަރުދާސް ދެއްކުމާއި ވޯޓު ކަރުދާސް ފޮޓޯ ނެގުމާ ގުޅިގެން ފުލުހުންގެ ބެލުމުގު ދަށަށް ގެނެސްފައިވާ މީހުން. އެމީހުންގެ ތެރެއިން އެކަކު ވަނީ ދޫކޮށްލާފައި
ފުވައްމުލަކުގައި ވޯޓު ކަރުދާސް ފޮޓޯ ނެގިކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެނެސް، މައުލޫމާތު ސާފުކުރުމަށްފަހު މިހާރުވަނީ ދޫކޮށްލާފައި
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހް ވޯޓުލައްވައިފި.
ކުރީގެ ރައީސް ޔާމީން އަބްދުލް ޤައްޔޫމް ވޯޓު ލައްވައިފި
އެ މަނިކުފާނު ވޯޓު ލައްވައިފައިވަނީ މާފުށީ ޖަލުގައި ބެހެއްޓިފައިވާ ވޯޓު ފޮށްޓަށް
9 ޖެހުމާއި ހަމައަށް ވޯޓް ލައިފައިވަނީ 36،312 މީހުން.
ނުކުޅެދުންތެރިކަން ހުންނަ ފަރާތްތަކާއި، ޚާއްސަ އެހީތެރިކަން ބޭނުންވާ ފަރާތްތަކާއި، މާބަނޑު އަންހެނުންނަށް ކިއު ގައި ނުޖެހި ވޯޓުލެވޭނެ!
ކުރީގެ ރައީސް އަބްދުﷲ ޔާމީންގެ އަނބިކަނބަލުން އަދި ކުރީގެ ފަސްޓް ލޭޑީ ފާތިމަތު އިބްރާހިމް ވޯޓު ލައްވައިފި. މެޑަމް ފާތުން ވޯޓު ލައްވާފައި ވަނީ އިސްކަންދަރު ސްކޫލްގައި ހުރި ވޯޓު ފޮއްޓަށް.
ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ގެ އަނބިކަނބަލުން ސާޖިދާ ވޯޓު ލައްވައިފި
ވީހާވެސް ހެނދުނަކާއި ވަޑައިގެން، ކޮންމެ މީހަކަށްވެސް ލިބިފައިވާ ގާނޫނީ ބޭނުން ހައްގު ބޭނުން ކުރައްވާ ވޯޓު ލެއްވުމަށް އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު އެދިވަޑައިގެންފި.
އަބޫދާބީ އަދި ޔޫކޭ ފިޔަވައި އެހެން ހުރިހާ ތަނެއްގައި ވޯޓުލުން ފެށިގެން ކުރިޔަށް އެބަދޭ.
ބައެއް މަރުކަޒު ތަކުގައި ގާތްގަނޑަށް މިނިޓަކު 2 މީހުން ވޯޓު އެބަލާ.
% 80 އިންސައްތައަށްވުރެ ގިނަ ވޯޓުލާ މަރުކަޒުތަކުގައި ވޯޓުލުން ފެށިގެން ކުރިޔަށްދާ ކަމަށް އީސީން ބުނެފި.
އީސީ ހަބީބު: ރިޔާސީ އިންތިހާބުގެ ދެވަނަބުރުގެ އޮބްޒާވަރުންނާއި މޮނިޓަރުންގެ ދައުރު ބައެއް ޕާޓީތަކުން ބަދަލު ކުރެއްވުމާ ގުޅިގެން، އެގޮތަށް ބަދަލުކުރި ބައެއް އޮބްޒާވަރުންނާއި މޮނިޓަރުންނަށް، ވޯޓުލާ މަރުކަޒަށް އެކްސެސް ނުވުމުގެ މައްސަލަ ދިމާވެދާނެ. އެއީ އީސީގެ މައްސަލައެއްނޫން. އެކަމަކު އެކަން ހައްލުކޮށް ވީހާވެސް އަވަހަކަށް އެކްސެސް ދިނުމުގެ މަސައްކަތް ކޯޑިނޭޝަން ސެންޓަރުން ކުރިޔަށް އެބަގެންދަވާ.
ޕީއެންސީގެ ރައީސް އަބްދުއްރަހީމް އަބްދުالله ވޯޓު ލައްވައިފި
އެއްވެސް ސަބަބަކާ ހުރެ ވޯޓުލުން ލަސްވެ ނުވަތަ މެދުކެނޑުނު ކަމުގައި ވިޔަސް، ވޯޓުލާން ކަނޑައަޅާފައިވާ ގަޑި އިތުރު ނުކޮށްދޭނެ ކަމަށް އީސީން ބުނެފި.
ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ގެ ރަނިންމޭޓް ހުސައިން މުހައްމަދު ލަތީފް ވޯޓު ލައްވައިފި.
ރިޔާސީ އިންތިހާބުގެ ދެވަނަ ބުރުގެ ވޯޓުލުން ފެށިއްޖެއެވެ.
އިންތިހާބުގެ ދެވަނަ ބުރުގެ ވޯޓުލުން ކުރިއަށް ދާނީ ހެނދުނު 8:00 އިން 5:00 އަށް ކަމަށް އިލެކްޝަންސް ކޮމިޝަނުން މައުލޫމާތު ދެއެވެ.
އަދި މިހާރު 80 އިންސައްތަ އަށްވުރެ ގިނަ ވޯޓުލާ މަރުކަޒުތަކުގައި ވޯޓުލުން ފެށިފައިވާ ކަމަށް އީސީން ބުނެއެވެ.
ކުރިއަށް އޮތް ފަސްއަަހަރަށް ދިވެހިރާއްޖޭގެ ރައީސުލްޖުމްހުރިއްޔާގެ މަޤާމައް ކަނޑައަޅުއްވާ ބޭފުޅަކު އިންތިހާބުކުރަން ވޯޓުލުން ފެށިއްޖެއެވެ.
ރިޔާސީ އިންތިޚާބުގެ ދެވަނަ ބުރެއް ބާއްވަނީ ފުރަތަމަ ބުރުން އެއްވެސް ކެންޑިޑޭޓަކަށް 50 އިންސައްތައަށްވުރެ ގިނައިން ވޯޓު ލިބިވަޑައި ނުގެންނެވުމުންނެވެ.
އެގޮތުން ފުރަތަމަ ބުރުގައި ވާދަކުރެއްވި 8 ކެންޑިޑޭޓުންގެ ތެރޭއިން އެންމެ ގިނަ ވޯޓު ހޯއްދަވައިގެން ދެވަނަށް ބުރަށް ވަޑައިގެންނެވީ، ކެންޑިޑޭޓް ނަންބަރު 4, ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުއާއި, ކެންޑިޑޭޓް ނަންބަރު 3، އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙެވެ.
ރިޔާސީ އިންތިހާބުގެ ދެވަނަ ބުރުގައި ވޯޓުލުމުގެ ހައްގު ލިބިގެންވަނީ 282،803 މީހަކަށެވެ. މި ފަހަރުގެ އިންތިހާބުގައި އަލަށް 408 މީހަކަށް ވޯޓުލުމުގެ ހައްގު ލިބިގެންވެއެވެ.
އަދި މި ބުރުގައި ހުންނާނީ ޖުމްލަ 586 ވޯޓު ފޮއްޓެވެ.
ވޮއިސް އިންތިހާބު ކަވަރޭޖުން މުޅި ރާއްޖޭގައި ކުރިއަށްދާ އިންތިހާބުގެ ފަހުގެ މައުލޫމަތު ގެނެސްދެވޭނެއެވެ.
Advertisement
This content is created and paid for by advertisers and does not involve Voice Journalists
