އިންތިޚާބީ ރައީސް، ޑރ. މުހައްމަދު މުޢިއްޒު އާއި ރައީސުލްޖުމްހޫރިއްޔާގެ އިބްރާޙީމް މުހައްމަދު ޞާލިހުގެ  ބައްދަލުވުމެއް ކުރިއަށްދާ ކަމަށް ރައީސް އޮފީހުން ބުނެފިއެވެ. 

ޑރ. މުއިއްޒާއި ރައީސް ޞާލިހުގެ ބައްދަލުވުން ރައީސް އޮފީހުގައި ކުރިއަށްދާއިރު، އެ ބައްދަލުކުރެއްވުމަށް ރައީސް އޮފީހަށް މުޢިއްޒު ވަޑައިގެންފައިވަނީ މިއަދި މެންދުރު ފަހު 3:00 ހާއިރުއެވެ. މި ބައްދަލުވުމައި ރައީސް އޮފީހުގެ ޗީފް އޮފް ސްޓާފް އަލީ ޒާހިރު އާއި، ޕީއެންސީގެ ރައީސް އަބްދުއްރަހީމް އަބްދުالله ވަނީ ބައިވެރިވެވަޑައިގެންފައެވެ. 

މިއަދުގެ ބައްދަލުވުމުގެ ތެރެއިން--ފޮޓޯ/ ރައީސް އޮފީސް 

މި ބައްދަލުވުމުގެ ތަފްސީލް އަދި ރައީސް އޮފީހުން ހާމަކޮށްފައި ނުވި ނަމަވެސް، މިއީ ސަރުކާރު ބަދަލުވުމުގެ ކަންކަން ކުރިއަށް ގެންދިޔުމާއި ގުޅޭ ގޮތުން ބޭއްވޭ ބައްދަލުވުމެއް ކަމަށް ބެލެވެއެވެ. 

މިއަދުގެ ބައްދަލުވުމުގެ ތެރެއިން--ފޮޓޯ/ ރައީސް އޮފީސް 

ރިޔާސީ އިންތިހާބުގެ ދެވަނަ ބުރުގެ ނަތީޖާ އިއްޔެ އިއުލާން ކޮށްފައިވާއިރު، ވަގުތީ ނަތީޖާ ދައްކާ ގޮތުން 18000 އަށް ވުރެ ގިނަ ވޯޓުގެ ތަފާތަކުން ކާމިޔާބުކުރައްވާފައިވަނީ ޑރ. މުއިއްޒުއެވެ.

އެގޮތުން މުޢިއްޒަށް 125,889 ވޯޓު ލިބިފައިވާއިރު އެއީ %53.8 އިންސައްތައެވެ. އަދި ރައީސް ޞާލިހަށް 108,124 ވޯޓު ލިބިފައި ވާއިރު އެއީ %46.2 އެވެ.  

މި ނަތީޖާއާއެކު، އަންނަ ނޮވެންބަރު މަހުގެ 17 ވަނަ ދުވަހުން ފެށިގެން ރައީސުލްޖުމްހޫރިއްޔާ ކަމުގެ މަސްއޫލިއްޔަތު ތައް އަދާކުރައްވާނީ ޑރ. މުހައްމަދު މުޢިއްޒު އެވެ.