ރިޔާސީ އިންތިޚާބުގައި ރައްޔިތުން ނިންމެވި ނިންމެވުމަށް އިޚްތިރާމް ކޮށް، މިހާރު ހިނގަމުން މިދާ އިންތިޤާލީ މަރުޙަލާގައި ކުރަންވި ކަންކަން ކުރީގެ ނައިބު ރައީސް މުޙައްމަދު ޖަމީލް އަޙްމަދު ވިދާޅުވެދެއްވައިފިއެވެ.

ޑރ ޖަމީލް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ. ޖަމީލް ވިދާޅުވީ ރައްޔިތުންގެ  ނިންމުމަށް  އިޙްތިރާމް  ކުރުމާއިއެކު އިންތިގާލީ  މަަރުޙަލާގައި  އެންމެ  ބޮޑު  ސަމާލުކަމެއް  ދޭންޖެހޭ  ދެ ކަމެއް ވާކަމަށެވެ.

އެ ދެކަންތަކަކީ ރައީސް ޞާލިޙްގެ ސަރުކާރުގެ ވައްކަމާ  ކޮރަޕްޝަނާގުޅޭ ލިއެކިއުންތަކަށްބަދަލް  ގެނައުމާއި، ނައްތާލުމުގެ ފުރުޞަތު ނުދިނުމުގެ އިތުރުން ބޭރު  ސިފައިންނާ ގުޅޭ އެއްބަސްވުންތަކާ  ކަނޑު  ވިއްކުމާ  ގުޅޭ  ލިއުންތައް  ބެލެހެއްޓުން ކަމަށް ޖަމީލް ވިދާޅުވިއެވެ.

Advertisement

ޖަމީލް އިތުރަށް ވިދާޅުވީ މިދެކަމުގައި ޒިއްމާ އުފުލަންޖެހޭ  ކުންފުނިތަކުގެ  ވެރިން،  ފުރުން މަނާކުރަން ޖެހޭ ކަމަށެވެ.

މިއީ  އަޅުވެތިކުރުމާ، ވައްކަމާ  ދެކޮޅަށް  ރައްޔިތުން  ދިން  ވޯޓެއްކަން  ހަނދާން  ކުރަންވާނެ ކަމަށް ޑރ ޖަމީލް ވިދާޅުވިއެވެ. ވެރިކަން ބަދަލުވުމުގެ މަރުޙަލާގެ ކަންކަން ކުރުމަށް ރައީސް އިބްރާހިމް މުޙައްމަދު ޞާލިޙް ވަނީ ކޮމިޝަނެއް އުފެއްދެޗުމަށް ނިންމަވައިފައެވެ. އަދި އިއްޔެ ވަނީ އިންތިޚާބީ ރައީސް ޑރ މުޙައްމަދު މުޢިއްޒާއި ރައީސް ޞާލިހް ބައްދަލުވެސް ކުރައްވައިފައިވެއެވެ.