ރައްޔިތުންގެ މަޖިލީހަކީ އަންހެނުންގެ ބަސް ވިކޭ އަންހެނުންނަށް އަޑު އަހާ މަޖިލީހަކަށް ވާންޖެހޭ ކަމުގައި ޕީޕީއެމްގެ ތަރުޖަމާނު ހީނާ ވަލީދު ވިދާޅުވެއްޖެއެވެ. 

މިއަދު ކުރެއްވި ޓުވީޓެއްގައި ހީނާ ވަނީ 2024 ވަނަ އަހަރު ބޭއްވުމަށް ހަމަ ޖެހިފައިވާ މަޖިލިސް އިންތިޚާބުގައި ވާދަކުރުމަށް އެއްވެސް އަންހެން ކަނބަލަކު އަދި ޝައުގުވެރިކަން ފާޅުކޮށްފައި ނުވާކަމަށާއި މުޅިންވެސް ފެންނަނީ އިންތިޚާބުގައި ވާދަކުރާކަން ފިިރިހެން ބޭފުޅުން އިއުލާނު ކުރައްވާ މަންޒަރަރުކަމުގައެވެ. 

މީގެ އިތުރުން ހީނާ ވިދާޅުވީ، ރައްޔިތުންގެ މަޖިލީހަކީ އަންހެނުންނަށް ވެސް ފުރުސަތު ލިބޭ، އަންހެނުންގެ ބަސް ބުނެވޭ، އަންހެނުންގެ އަޑު އިވޭ މަޖިލީހަކަށް ވާންޖެހޭކަމަށެވެ. 

މި ޕޯސްޓާއި ގުޅިގެން ހީނާ ވަނީ އެއީ އޭނާ ރައްޔިތުންގެ މަޖިލީހަށް ކުރިމަތިލާން ލިޔުނު ޕޯސްޓެއް ނޫން ކަމަށާއި އަންހެނުންގެ ދައުރު މަޖިލީހުގައި އިތުރު ކުރުމަށް ހިތްވަރު ދޭން ލިޔުނު ޕޯސްޓެއް ކަމުގައި ބުނެފައެވެ.

ހިނގަމުން މިދާ 19 ވަނަ ރައްޔިތުންގެ މަޖިލީހުގައިވެސް ތިއްބެވީ ވަރަށް މަދު އަންހެން ބޭކަނބަލުންނެވެ. އެއީ، އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް އާއި ހިންނަވަރު ދާއިރާގެ މެމްބަރު ޖީހާން މަހުމޫދުގެ އިތުރުން ތުޅާދޫ ދާއިރާގެ މެމްބަރު ހިޝާން ހުސައިން އާއި ގަލޮޅު ދެކުނު ދާއިރާގެ މެމްބަރު އީވާ އަބްދުالله އެވެ.