އޮމާންއަށް ދާ ދިވެހީންނަށް އޮންއެރައިވަލް ވިސާ ލިބޭނީ ޝަރުތުތަކާއި އެކުގައި ކަމަށް ފޮރިން މިނިސްޓްރީން ހާމަކޮށްފި އެވެ.
ފޮރިން މިނިސްޓްރީން މިކަން ހާމަކޮށްފައިވަނީ އޮމާންއަށް އެތެރެވާން ދިޔަ ދިވެއްސަކަށް އޮންއެރައިވަލް ވިސާ ދީފައިނުވާ ކަމަށާއި، އަދި އެ ގައުމަށް އެތެރެނުވެވޭގޮތަށް ހިފަހައްޓާފައިވާކަން ހާމަކޮށް ސޯޝަލް މީޑިއާގައި ޕޯސްޓެއް ޖަހާފައި ވަނިކޮށެވެ.
ރާއްޖެއިން އޮމާނަށް ދަތުރުކުރާ ދިވެހިންނަށް ވިސާ ނެގުމަކާ ނުލައި އެޤައުމަށް އެތެރެވެވޭނެ އިންތިޒާމު ހަމަޖެހިފައިވާކަމަށް ފޮރިން މިނިސްޓްރީން މީގެ ކުރިން ވަނީ ހާމަކޮށްފަ އެވެ.
މިއަހަރުގެ މާޗު މަހުގައި ފޮރިން މިނިސްޓްރީން ބުނެފައިވަނީ މުއްދަތު ހަމަނުވާ ޕާސްޕޯޓަކާއެކު ރާއްޖެއިން އޮމާނަށް ދަތުރުކުރާ މީހުންނަށް އެޤައުމަށް އެތެރެވާ ދުވަހުން ފެށިގެން ގިނަވެގެން 14 ދުވަހުގެ މުއްދަތަށް އެޤައުމުގައި ތިބެވޭނެ ކަމަށާއި، އެ ގައުމަށް އޮންއެރަވަލް ވިސާގެ ކަންކަން ހަމަޖެހިގެންދާނެ ކަމަށެވެ.
އެހެން ނަމަވެސް އޮންއެރައިވަލް ވިސާގައި އެ ގައުމަށް އެތެރެވާން ދިޔަ މީހަކު ހިފަހައްޓާފައިވާކަން އެމީހާ ހާމަކުރުމާއެކު، ފޮރިން މިނިސްޓްރީން މިހާރު ބުނަމުންދަނީ އޮމާންއަށް ދަތުރުކުރާ ދިވެހީންނަށް އެއްވެސް ޝަރުތަކާއި ނުލާ އޮން-އެރައިވަލް ވިސާ ލިބޭނޭ އިންތިޒާމު ހަމަޖެއްސުމާގުޅޭގޮތުން އެޤައުމުގެ ކަމާބެހޭ ފަރާތްތަކާ ފޮރިން މިނިސްޓްރީން މަޝްވަރާކުރައްވަމުންގެންދަވާ ކަމަށެވެ.
އެކަމާއި ގުޅޭގޮތުން ފޮރިން މިނިސްޓްރީން ނެރުނު ނޫސްބަޔާނެއްގައި ބުނެފައިވަނީ އޮމާންއަށް އޮން-އެރައިވަލް ވިދާ ލިބޭނެކަމަށް އެ މިނިސްޓްރީން މީގެ ކުރިން އިއުލާނުކޮށްފައި ވަނީ އޮމާން ސަރުކާރުގެ ކަމާބެހޭ އިދާރާތަކުން ރަސްމީކޮށް އެގޮތަށް މަޢުލޫމާތުދެއްވާފައިވާތީ ކަމަށެވެ.
އެހެން ނަމަވެސް އޭގެފަހުން މިނިސްޓްރީއަށް މަޢުލޫމާތު ލިބިފައިވާގޮތުގައި، އޮމާންއަށް ދަތުރުކުރާ ދިވެހިންނަށް 14 ދުވަހުގެ އޮން-އެރައިވަލް ވިސާ ލިބެނީ ބައެއް ޝަރުޠުތައް ފުރިހަމަވުމުން ކަމަށް މިނިސްޓްރީގެ ނޫސްބަޔާނުގައި ބުނެފައި ވެއެވެ.
އެގޮތުން އޮމާންއަށް ދަތުރުކުރާ ފަރާތްތަކަށް އޮން އެރައިވަލް ވިސާ ލިބެނީ އިނގިރޭސިވިލާތް، އެމެރިކާ، ޝެންގަން ޤައުމުތައް، ކެނެޑާ، އޮސްޓްރޭލިއާ ނުވަތަ ޖަޕާންގެ މުއްދަތު ހަމަނުވާ ވިސާއެއް އޮތުން ނުވަތަ އެއިން ޤައުމެއްގެ ރަށްވެހިކަން އޮންނަ ފަރާތްތަކަށާއި، ހޮޓެލް ބުކިންގ އާއި ދެކޮޅު ޓިކެޓާއި، ހެލްތު އިންޝުއަރަންސް އޮންނަ ފަރާތްތަތަކަށް ކަމަށް ފޮރިން މިނިސްޓްރީން ވަނީ ބުނެފައެވެ.
އެހެންކަމުން އޮމާންއަށް ދަރުތުކުރައްވާ ފަރާތްތަކުން މިޝަރުތުތައް ފުރިހަމަ ނުވާނަމަ ދުރާލާ ވިސާ ނަގައިގެން އޮމާނަށް ދަތުރުކުރުމަށް ފޮރިން މިނިސްޓްރީން ވަނީ އަންގާފަ އެވެ.
Advertisement
This content is created and paid for by advertisers and does not involve Voice Journalists
