މާލެސިޓީ ކައުންސިލްގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީން އިންޓަނޭޝަނަލް އެއިޑް ކެންޕެއިން އާއު ގުޅިގެން، ހާލުގައި ޖެހިފައިވާ ފަލަސްޠީނުގެ އަހުންނާއި އުހުތުންނަށް އެހީވުމަށް ކުރިއަށް ގެންދިޔަ ފަންޑު ރައިސިން އިވެންޓުން ލައްކައަކަށްވުރެ ގިނަ ރުފިޔާ ލިބިއްޖެއެވެ.

މިމަހު 7 ވަނަ ދުވަހު، ފަލަސްޠީނުގެ މިނިވަންކަމަށްޓަމައި ޖިހާދުކުރަމުންދާ ހަމާސް ޖަމާއަތުން އެގައުމަށް ގަދަކަމުން ވެރިވެގެންފައިވާ އިސްރާއިލަށް އަމާޒުކޮށް ދިން ކުއްލި ހަމަލާއާއި ގުޅިގެން އިސްރާއީލުން ވަނީ ފަލަސްތީނާ ދެކޮޅަށް ހަނގުރާމަ އިއުލާންކޮށްފައެވެ. އެއާއެކު, އެމީހުންގެ ވަރުގަދަ ހަމަލާތައް ކެނޑިނޭޅި ފަލަސްޠީނުގެ ކުޑަކުދިންނާއި އަންހެނުން ހިމެނޭހެން އާއްމުންނަށް އަމާޒުކުރަމުންދާއިރު, ހަނގުރާމައިގެ ސަބަބުން އެތައް ހާސް މުސްލިމުން ވަނީ އަސާސީ ހައްގުތަކުން މަހްރޫމްވެ ބިކަ ހާލުގައި ޖެހިފަ އެވެ.

އެ ރައްޔިތުންނަަށް އެހީވުމަށް އިންޓަނޭޝަނަލް އެއިޑް ކެންޕެއިން (އައިއޭސީން) ހުޅުވާލާފައިވާ ފަންޑް ރެއިޒިން އިވެންޓަށް ފައިސާ ހަދިޔާ ކުރުމަށް މާލެ ސިޓީ އަންހެނުން ތަރައްޤީއަށް މަސައްކަތް ކުރާ ކޮމެޓީ އަދި އިންޓަރނޭޝްނަލް އެއިޑް ކެމްޕެއިންގެ ގުޅިގެން މާލެ އަދި ހުޅުމާލޭގައި ކުރިއަށް ގެންދެވުނު ފަންޑް ރައިސިން ހަރަކާތުގެ ތެރެއިން ޖުމުލަ 1,33,618 ލިބިފައިވާ ކަމަށް އެ ކޮމިޓީން ވަނީ ބުނެފައެވެ. 

ފަންޑް ރެއިޒިން އިވެންޓް އިން ލިބުނު ފައިސާގެ ތަފްސީލް:

- 133،618 ރ (އެއްލައްކަ ތިރީސް ތިން ހާސް ހަ ސަތޭކަ އަށާރަ ރުފިޔާ)

- 151 ޑޮލަރު

- 130 ޔޫރޯ

- 2 އިންޑިއަން ރުޕީސް

- 2 ޓާކީ ކޮއިން

މާލެސިޓީ ކައުންސިލްގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީން ވަނީ ފަންޑް ރެއިޒިން އިވެންޓްއަކީ ކާމިޔާބު އިވެންޓްއަކަށް ހެދުމަށް ބައިވެރިވި އެންމެހާ ފަރާތްތަކަށް ޝުކުރުއަދާކޮށްފައެވެ.