އިޒްރާއިލުން އެހިންގަނީ އިންސާނިއްޔަތާއި ޚިލާފަށް ހިންގާ ބޮޑެތި ކުށްތައް: އުރްދުޣާން
އިޒްރާއިލުން މަސައްކަތް ކުރަމުންދަނީ އެބައިމީހުންގެ އަމިއްލަ ނަފްސުގެ ދިފާއުގައި ނޫން ކަމަށާއި، އިޒްރާއިލުން ހިންގަމުންދަނީ އިންސާނިއްޔަތާއި ޚިލާފަށް ހިންގާ ބޮޑެތި ކުށްތަކެއް ކަމަށް ތުރުކީ ވިލާތުގެ ރައީސް ރަޖަބް ޠައްޔިބް އުރްދުޣާން ވިދާޅުވެއްޖެއެވެ.
އުރްދުޣާާން މިހެން ވިދާޅުވީ މިއަދު އެޤައުމުގެ ޤާނޫނު ހަދާ މަޖިލީހުގައި ވާހަކަ ދައްކަވަމުންނެވެ.
އުރްދުޣާންގެ ވާހަކަފުޅުގައި ވިދާޅުވެފައިވަނީ ހަމާސްއަކީ ޓެރަރިސްޓު ޖަމާޢަތެއް ނޫން ކަމަށް ވިދާޅުވެފައެވެ. އަދި ހަމާސްއަކީ ފަލަސްޠީނުގެ މިނިވަން ކަމާއި އެޤައުމުގެ ހައްޤުގައި ހަނގުރާމަ ކުރާ ޖަމާޢަތެއް ކަމަށް ވިދާޅުވެފައިވެއެވެ.
ޤާނޫނު ހަދާ މަޖިލީހުގައި ވާހަކަ ދައްކަވަމުން އުރްދުޣާން ވިދާޅުވީ ފަލަސްޠީންނާއި އިޒްރާއިލާއި ދެމެދު ކުރިއަށްދާ ހަނގުރާމަ ވަަގުތުން ވަގުތައް ހުއްޓުވަން ޖެހޭ ކަމަށާއި، މެދުއިރު މަތީގައި އަމާންކަން ޤާއިމް ކޮށް އަމާން ކަން ދެމެހެއްޓުމަށް މުސްލިމް ޤައުމުތަކުން އެއްބައި ވަންތަ ވާން ޖެހޭކަމަށެވެ.
އުރްދުޣާން ވިދާޅުވީ މިހަނގުރަމާ ހުއްޓުވުމަށް ޓަަކއި ފަލަސްޠީނާއި އިޒްރާއިލް ހަނގުރާމައިގައި ހަތިޔާރު އުފުލަމުން ދާ ހުރިހާ ފަރާތްތަކަކުން ވެސް ޖެހޭނީ ހަތިޔާރު ބަހައްޓަން ކަމަށެވެ.
އުރްދުޣާން ވާހަކަ ފުޅުގައު ހުޅަނގުގެ ޤައުމުތަކަށް ވަރަށް ބޮޑަށް ފާޑު ވިދާޅުވެފައިވެއެވެ.
ޢުރްދުޣާން ވިދާޅުވީ ތުއްތު ކުދިން އެކުދިންގެ މައިންބަފައިންގެ ޝަހީދުވެފައިވާ ހަށިތަކުގައު ބައްދައިގެން ތިބެން ޖެހޭ ދުނިޔެެއެއްގައި އެއްވެސް މީހަކަަށް ހަމަޖެހިލައިގެން ނުނިދޭނެ ކަމަށާއި، އެފަދަ ދުނިޔެއެއް އެއްވެސް މީހަކަށް އަމާން ތަނަކަސް ނުވާނެ ކަމަށެވެ.
އުރްދުޣާންގެ ވާހަކަ ފުޅުގައި ވިދާޅުވީ މިހާރު އިޒްރާއިލުން އެގެންގުޅޭ އުސޫލުން ހުޅަނގުގެ ތާއީދު ނުވަތަ އެހެން ބައެއްގެ ތާއީދު އޮތް ކަމުގައިވިޔަސް އެބައިމީހުންނަށް އެއްވެސް ކަމެއް ހާސިލް ނުވާނެ ކަމަށެވެ. އަދި އެމެރިކާވެސް މިކަމުގައި ވާނީ ފެއިލް ކަމުގަޔާއި އެމެރިކާއަށް އިންސާފު ގާއިމް ނުކޮށްދެވޭނެ ކަމަށް އުރްދުޣާން ވިދާޅުވިއެވެ.
އުރްދުޣާން ވިދާޅުވީ ފަލަސްޠީނަށް އިންސާނިއްޔަތާއި ޚިލާފު ހަމަލާދިނުމަށް ހުޅަނގުން އިޒްރާއީލަށް އެކި އެކި ބަހަނާތައް ހޯދައިދޭ ކަމަށް ތުހުމަތު ކުރައްވައިފައެވެ.
ޔޫކްރެއިންއަށް ރަޝިޔާއިން ހަމަލާދިނުމުން އެތަނުގެ ހާލަތާިއ މެދު ކަންބޮޑުވުން ފާޅު ކުރި ބަޔަކު މިއަދު ޣައްޒާގެ ޙާލަތު ބަލަން ވުމުން ލޯ މަރާލައިގެން އަނގަބަންދު ކޮށްގެން ތިބުމަކީ އެބައިމީހުންގެ މުނާފިޤުކަން އޭގެ އެންމެ މަތީ ދަރަޖައިގައި ވާކަން ދައްކުވައިދޭ ކަމެއް ކަމަށް އުރްދުޣާން ވަނީ ވިދާޅުވެފައެވެ.
އުރްދުޣާން ވަނީ އިޒްރާއިލް ފަލަސްޠީން މައްސަލައިގައި ޝާމިލްވާ ހުރިހާ ފަރާތްތަކަކުން ސުލްޙައިގެ ވާހަކަތައް އަލުން ފެށުމަށް ގޮވައިލައްވައިފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
