ރައީސް އިބްރާހިމް މުޙައްމަދު ޞާލިޙްގެ މުޅި ދައުރު ނިންމަވައިލެއްވީ ރައީސް ޔާމިން ޢަބްދުލް ޤައްޔޫމަށް އިންތިޚާބުގެ ފުރުޞަތު ނުދިނުމަށް ކަަމަށް ކުރީގެ ނައިބު ރައީސް ޑރ މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޖަމީލް މިހެން ވިދާޅުވީ އޭނާ ކުރެއްވެވި ޓްވީޓެއްގައެެވެ.
ކުރީގެ ނައިބު ރައީސް އަޙްމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު ޒިޔަތުގެ އަދަބު ލުއިކޮށްދ ީމިނިވަން ކުރުމާއި ގުޅިގެން ކުރެއްވެވި ޓްވީޓުގައި ޖަމީލް ވިދާޅުވެފައިވަނީ ޤައުމެއްގެ ހައިސިއްޔަތުން އިއްޔެވާނީ ހުތުރު ދުވަހަކަށް ކަމަށެވެ.
އަދި ރައީސް ޞާލިޙްގެ މުޅި ދައުރު ނިންމާލެއްވީ ރައީސް ޔާމީނަށް އިންތިޚާބުގެ ފުރުޞަތު ނުދިނުމަށް ރާވައި އެކަން ތަންފީޒު ކުރުމުގައި ކަމަށާއި އަދީބާއި ޒިޔަތަކީ އެކަމަށް ބޭނުންކުރި ހަތިޔާރު ކަމަށް ޑރ ޖަމީލް ވިދާޅުވިއެވެ.
ޑރ ޖަމީލް އިތުރަށް ވިދާޅުވީ މިއަދު ރައީސް ޔާމީނުގެ އިސްތިއުނާފު ދިގުދެމި އަދިވެސް އެމަނިކުފާނު ހުންނެވީ ޖަލު ޙުކުމުގައި ކަމަށެވެ. އަދި އަދީބުގެ ޓެރަރިޒަމްގެ ކުށްފަދަ ބޮޑަތި ކުށްތައް ވަނީ ޕާކުކޮށްފައި ކަމަށާއި ބޮޑު ޚިޔާނާތުގެ ހުރިހާ ދަޢުވާތަކަށް ގަނޑުކޮށް އަދަބު ކަނޑައަޅައި އިއްޔެ މާފު ކޮށްފައިވާ ކަމަށެވެ.
“ރައީސް ޞާލިޙްގެ އެބުނާ އަމާން ރާއްޖޭގައި ޚިދުމަތްތެރި ރ. ޔާމީނަށް މިދިން އަނިޔާގެ ނުބައިކަމާެއެވެ! އަދި މިޙަރާމް ޢަމަލުގެ ބައިވެރިން މާތް الله ނިކަމެތި ކުރައްވައި، ފަޟީޙަތް ކުރައްވާށި” ޖަމީލް ވިދާޅުވެފައިވެއެވެ.
އަދީބާއި ޒިޔަތު މިނިވަންކޮށްފައިވަނީ މައާފް ދިނުމާއި އަދަބު ލުއިކޮށް ދިނުމުގެ ޤާނޫނުގެ ދަށުން ރައީސަށް އޮންނަ އިހްތިޔާރުގެ ދަށުންނެވެ.
Advertisement
This content is created and paid for by advertisers and does not involve Voice Journalists
