ކުރީގެ ރައީސް އިބްރާހިމް މުހައްމަދު ޞާލިހުގެ ވެރިކަން ނިމުމާއި، ރައީސުލްޖުމްހޫރިއްޔާ ޑރ މުހައްމަދު މުޢިއްޒު ފެށުމާއި ދެމެދުގައި ހޭދަވި، އިންތިގާލީ މަރުހަލާގައި އެންޓި ކޮރަޕްޝަން ކޮމިޝަން، އޭސީސީއަށް ގިނަ ގޮންޖެހުންތަކާއި ކުރިމަތިލާންޖެހުނު ކަމަށް، އެ ކޮމިޝަންގެ ރައީސް އާދަމް ޝާމިލް ވިދާޅުވެއްޖެއެވެ. 

ބައިނަލްއަޤްވާމީ އެންޓި-ކޮރަޕްޝަން ދުވަސް ފާހަގަކުރުމަށް ބޭއްވި ޖަލްސާގައި ވާހަކަފުޅުދައްކަވަމުން ޝާމިލް ވިދާޅުވީ، އެ ކޮމިޝަންގެ ރައީސް ކަމުގައި ހޭދަވި މުއްދަތުގައި ވަރަށް ގިނަކަންކަން ތަޖުރިބާ ކުރެވުނުކަމަށެވެ.

އެގޮތުން އިންތިޤާލީ މަރުހަލާ އާއި ރިޔާސީ އިންތިހާބުގެ ތެރެއިން ދުވަސް ތަކުގައި ކުރަންޖެހުނު މަސައްކަތް ތަކަކީ ފާހަގަކުރަންޖެހޭ ގޮންޖެހުންތައް ގިނަ މަސައްކަތްތަކެއް ކަމަށާ، ގޮންޖެހުންތަކަާއި އެކުވެސް މަސައްކަތް ކުރެއްވީ ދިވެހި ރައްޔިތުންގެ މަސްލަހަތު އިސްކޮށްގެން ޒިންމާތައް އަދާކުރެއްވޭތޯ ކަމަށް ޝާމިލް ވިދާޅުވިއެވެ.

Advertisement

އެހެންކަމުން، ރިޔާސީ އިންތިހާބާއި އިންތިގާލީ މަރުހަލާގައި ދިމާވި ގޮންޖެހުންތަކާއި، ލިބުނު ފިލާވަޅުތަކުގެ އަލީގައި، އެ މުއްދަތުގެ ތެރޭގައި ގާނޫނީ ގޮތުން ބަނދެވިފައިވާ، އަދި އެންމެ އަސާސީ މަސްލަހަތަކީ ދައުލަތް ހެދޭނެ ނުކުތާ ތަކެއް ގާނޫނުގެ ތެރޭގައި އިސްލާހު ކުރުމަށް އޭސީސީން ވަނީ ހުށަހަޅާކަން ޝާމިލް ފާހަގަކުރެއްވި އެވެ.